悼念小田 家燕與摯友隔空重聚

(星島日報報道)悼念香港樂壇巨匠黎小田的《To小田 with Love Forever 音樂會》，前晚於麥花臣場館舉行，小田生前好友薛家燕、柳影虹、杜德偉、衛蘭、林德信及泳兒擔任嘉賓，而陳欣健、胡諾言及陳敏之任司儀。薛家燕打頭陣出場，為紀念好友，家燕姐特意穿上蝴蝶舞衣亮相並唱出《心肝寶貝》拉開溫暖序幕，她又坦言摯友黎小田離開已個多月，但至今仍未釋懷。

黎小田對香港樂壇貢獻良多，好友滿天下，不少明星名人如楊受成、成龍、周華健、劉嘉玲、鄭秀文及陳淑芬等，都錄製短片分享跟黎小田的相處點滴及思念。大銀幕亦播出黎小田已故父親黎草田淺談兒子對音樂的熱情，以及跟黎小田關係亦師亦友的張國榮及梅艷芳短片及照片。

黎小田生前摯友薛家燕打頭陣出場，家燕姐特別挑選蝴蝶舞衣亮相並唱出歌曲《心肝寶貝》。接受訪問時，家燕姐說：「你真係我哋嘅心肝寶貝，你為樂壇貢獻咗好多，我好感激你，今日濟濟一堂，大家向你致敬，希望你得到安慰。」她紅了雙眼，表示感覺到小田跟大家在一起。她提到多年前跟小田曾扮梅艷芳和張國榮唱《胭脂扣》，透露音樂會尾段播出片段後，她便會演唱《胭脂扣》，她說：「好多謝監製，將Michael嘅畫面融入首歌入邊，就好似再一次合作咁，綵排嘅時候就真係好似陪住我一樣。」

問到可會避免看到畫面，以免演出時控制不到情緒？家燕姐再次泛起淚光，她說：「Michael走咗個幾月，坦白講我都未釋懷。之前仔女同我去外地旅行，勸我放低、要開心番啲，Michael都走安詳。但有上網睇番好多合作片段，腦海好多浮現，一下子接受唔到佢走咗。今日現場見到Clara（黎小田助手），佢都話唔敢行太近我，因為知道大家一見面就會喊，但今日個場面真係好感觸。」隨後家燕姐獻唱《胭脂扣》，她多次強忍淚水，唱畢後，家燕說：「Michael, I Love You！」

此外，新秀出身的杜德偉於台上唱出《煙雨淒迷》，杜德偉表示黎小田是他的伯樂，亦師亦友。加盟華星時，黎小田是他的唱片監製，他說：「當時做10首歌要好多時間，喺錄音室對咗好耐。當時作為新人，對住一個前輩正常都會嚇到鼻哥窿都無肉，但佢有方法令到一個歌手，唱歌時好自然同舒服。」最後，到場表演嘉賓大合唱《問我》，音樂會亦於溫暖的氣氛下圓滿結束。