樂基兒產後復出 大晒湊仔樂
2019-09-26 00:00
(星島日報報道)樂基兒(Gaile)今年4月誕下兒子朱樂其(Hunter),昨日是產後首次出席公開活動。席間,零孕味的樂基兒分享湊兒樂,還透露暫時未有計畫追多一名女兒,現時很享受跟兒子的相處時光。
樂基兒透露兒子出生後第一個月,媽媽有回港幫忙照顧孫兒,當時還有陪月及工人,笑言成屋都係人,現時亦有工人及夜間保母幫忙,而丈夫在湊B上亦很快已經上手,會幫忙餵奶及換片,自己亦很早停止餵人奶。問到兒子可有「斟茶」給爸爸?Gaile 笑道:「試過好多次,而家學精咗,會遮住先。」
至於初為人母的感受?Gaile說:「好開心!好多嘢都唔同咗,個人好攰,但又好放鬆。每一個感覺都放大咗100倍咁,有人話生BB就好似重生咁。」
問到兒子是否較像父親?Gaile 笑道:「似我喎!同我BB時一模一樣,有時望落似女仔,好似個『Mini You』咁,好開心!」問到可有計畫追生一名女兒?她說:「暫時無打算,享受同個仔嘅時間。」
此外,連詩雅談到後日加入拍攝劇集《使徒行者3》,雖然劇本仍未完整,但已知道劇情需要色誘袁偉豪。她笑道:「所有服裝都好貼身,包Pat Pat,呢幾日開始戒澱粉質,所以個人比較虛。」她自嘲劇中要騷性感,就只得長腿可露,因此要保養雙腿。
關鍵字
最新回應