關智斌戒糖操肌見暈

(星島日報報道)關智斌（Kenny）早前因拍檔張致恒（Steven）連累，令9月BOYZ紅館騷一度被擱置，最終宣布如期「單飛」演出；昨日Kenny與顏卓靈、白只等出席電影《任性的你》開鏡拜神，自爆前日暈低入院。

Kenny透露最近每日都有好多跳舞、跑步及為電影準備，當日在家準備外出時感到頭暈，打退燒針即日出院，他說：「以為吃粒藥會好，但起身企唔穩，同事就陪我去醫院，醫生話血壓及血糖低。因為我想身形瘦啲所以食得清淡又戒糖。祖兒傳訊息給我，話以前第一次開騷都係咁，唔可以當白己超人，反而開開心心、精精靈靈最緊要。」

談到演唱會門票售罄，Kenny直言受寵若驚，但估計到頗搶手，因公司指沒內部認購。他說：「今日跟同事一齊用電話撳飛都撳唔到，全公司只撳到十幾張，我朋友連家人要300張，都唔知點算？」Kenny坦言很忙，很少聯絡Steven，至於會否叫對方睇騷，他表示視乎對方心情或是否在港。談到有指Steven下月結婚，Kenny說：「等佢自己講，如佢話過要低調處理，我唔方便講。（知道他結婚？）等佢安排啦！佢決定好，我呢啲做兄弟先配合，結婚禮物未諗。」

顏卓靈片中飾演啞歌迷，迷上Kenny飾演的偶像，對於男友白只同片演出，而她與Kenny有親熱戲分，她指男友看劇本都明白，加上與Kenny友好所以她不擔心。有份演出的容穎賢已是第二次拍電影，並不緊張，片中與利健森較多對手戲，未能與Kenny演對手戲而遺憾。