關智斌戒糖操肌見暈
2019-08-14 00:00
Kenny透露最近每日都有好多跳舞、跑步及為電影準備,當日在家準備外出時感到頭暈,打退燒針即日出院,他說:「以為吃粒藥會好,但起身企唔穩,同事就陪我去醫院,醫生話血壓及血糖低。因為我想身形瘦啲所以食得清淡又戒糖。祖兒傳訊息給我,話以前第一次開騷都係咁,唔可以當白己超人,反而開開心心、精精靈靈最緊要。」
談到演唱會門票售罄,Kenny直言受寵若驚,但估計到頗搶手,因公司指沒內部認購。他說:「今日跟同事一齊用電話撳飛都撳唔到,全公司只撳到十幾張,我朋友連家人要300張,都唔知點算?」Kenny坦言很忙,很少聯絡Steven,至於會否叫對方睇騷,他表示視乎對方心情或是否在港。談到有指Steven下月結婚,Kenny說:「等佢自己講,如佢話過要低調處理,我唔方便講。(知道他結婚?)等佢安排啦!佢決定好,我呢啲做兄弟先配合,結婚禮物未諗。」
顏卓靈片中飾演啞歌迷,迷上Kenny飾演的偶像,對於男友白只同片演出,而她與Kenny有親熱戲分,她指男友看劇本都明白,加上與Kenny友好所以她不擔心。有份演出的容穎賢已是第二次拍電影,並不緊張,片中與利健森較多對手戲,未能與Kenny演對手戲而遺憾。
關鍵字
最新回應