鄧麗欣新片煞科high爆高歌

（星島日報報道）鄧麗欣（Stephy）、姜皓文主演的心理懸疑犯罪電影《殘影空間》日前舉行煞科宴，眾演員及幕後人員開香檳預祝票房大賣。Stephy已有一段時間未有作音樂發展，現場要求她「開金口」再唱歌，她有求必應唱出昔日Cookies年代的經典歌《心急人上》，全場起哄！其後她又與張建聲合唱《電燈膽》，high爆全場！

Stephy笑指今次自己相當「畀面」︰「大家都玩得好開心，我也跟大家玩得好癲，其實我都預咗大家會叫我唱我自己的歌，因為嗰度有卡拉OK，而且現場工作人員都好年輕，成日話細個聽我的歌大，所以應大家要求唱吓。我都好畀面㗎喇，我平時唔會在卡拉OK唱自己的歌，希望大家都玩得開心。」久未出新歌的她坦言現時繼續專注電影，未計畫再出新歌，但如有適合的電影主題曲都會唱。