Gigi唱歌揀戲都要就住乖女

(星島日報報道)「我唔會專登上網搜尋你的作品或新聞，我尊重和喜歡的是你本人！」梁詠琪的老公Sergio得知與一位明星拍拖後，給予的體貼和理解，令梁詠琪甜到入心。當上幸福人母後，梁詠琪更全力發揮大愛精神，努力散播希望和溫暖的種子，更不排除與囡囡Sofia合唱，為歌迷派福利。

梁詠琪（Gigi）婚後與外籍老公Sergio育有現年4歲的囡囡Sofia，一直家庭事業兩兼顧。不過最近突然再簽唱片公司，跟環球唱片合作。「簽約前都有先跟家人商量過，因為要兼顧的事情太多，如拍戲、唱歌、製作、幕後、照顧屋企等。雖然過去十年都是這樣，但真的很累，現階段的我時間真的很不夠用。」

Gigi的新歌《再見灰姑娘》已經面世，並指希望這首歌以及今後的作品，都能為大家帶來溫暖和希望，不諱言是當上媽媽後產生的使命感。「做了媽媽，的確會有犧牲和放棄，工作也要經過篩選，就算唱失戀歌也要能帶給大家希望與振作。因為會聯想到將來個女失戀，唔想她聽到我的歌會更加鑽牛角尖。電影方面，戲種不能太黑暗，做忠做奸都唔緊要，但壞人一定要死或受到懲罰，故事意識必須正確。至於親熱戲就盡量不拍，即使遇上很喜歡的劇本及必須有的劇情，都一定會先問老公，不過老公都知道我有分寸，一定OK的。事關作品擺喺度就一世，以前未有家庭，對世界未有長遠的睇法，拍了的沒辦法，最多唔畀個女睇住，有親熱場口的就暫時禁播，等個女再大一點再向她講解。」

問到老公看到以前的親熱戲有何反應？Gigi甜笑道：「他沒看過，他知道我是知名人士後，即刻同我講『你放心，我唔會專登上網搜尋你的作品或新聞，我尊重和喜歡的是你本人，與你的工作沒有影響，你讓我看，我才會看』，因此他看過的並不多。」提到Sofia，Gigi更是甜絲絲，直認女兒很喜歡唱歌和很有表演欲，有機會也可嘗試與女兒合唱。至於會否繼續造人？Gigi表示順其自然，但坦言Sofia也希望能有個弟妹，還爆料指：「有次去旅行，瞓覺前Sofia突然飲泣問『係咪我大個咗就見唔到爸爸媽媽？』因為她知道我們都會死，正想安慰她之際，她又突然180度轉變說『不過咁，我知我將來會有個husband，咁我就唔會lonely』，隨即她就大覺瞓，但我和老公就瞓唔着，想起都爆笑。」