翠如唔做阿蕭電燈膽

(星島日報報道)黃翠如、陳自瑤與糖妹等，前晚為遊戲節目《娛樂大家》擔任嘉賓。剛剛在峇里補辦婚禮的翠如，即場向工作人員及藝員朋友派發喜餅卡。談到餅上上的蘋果樹圖案設計別致，翠如冧爆表示是由老公蕭正楠親自設計，取材自二人的定情蘋果樹。問到翠如可欣賞老公的構思？她說：「好過無，夠簡單，幾好呀！（利是封都係蘋果樹？）好提議呀，可以湊成一套。（還沉醉在新婚喜悅中？）阿蕭已經投入咗另一角色，只得我自己繼續玩喇，不過我都傾緊一個新的旅遊節目，暫時未傾好去邊，相信近幾個月會成事，拍檔是洪永城，我哋都有四年沒有在一起主持旅遊節目。」

此外，阿蕭將與老友曹永廉於九月舉行演唱會，翠如指這次是二人首度在香港演出，並笑道：「都幾得人驚，兩個男人可以好朋友到搞到一壇咁的演出，佢哋已經一齊去過好多次Trip，可能仲多過我同阿蕭去旅行的次數，結婚時阿廉是伴郎，大部分時間佢都企我哋中間，當時佢好感動，好似佢嫁女咁。（第時你生仔，阿廉都會跟埋入產房剪臍帶？）跟跟吓會唔會佢自己有咗？（演唱會上台嗎？）無邀請我，佢兩個嘅世界未必想有我喺度。」