林德信爆鵬哥拍戲狂歎榴槤

(星島日報報道)林德信（Alex）前晚出席賀歲片《玩轉全家福》首映禮，大讚劇組好細心，試過拍攝期間天氣很好，陽光普照，於是等埋位時想曬太陽，他說：「不過太陽曬得好勁，有位劇組人員專責用傘為大家遮太陽，佢會擔心我曬黑不能夠連戲，但我又想曬，佢唔畀我曬，我咪走來走去囉！」

他又爆有份參演的盧海鵬（鵬哥）好喜歡吃榴槤，有日劇組安排成枱榴槤，搞到鵬哥好開心，成日一隻手拎榴槤，另一隻手拎住香煙。同場的邵音音笑言鵬哥很喜歡該片，搞到去到邊都叫她吸煙，嚇到她現在不敢吸煙。