祥仔新年勤搵銀 偷閒炮製開年飯

(星島日報報道)黎耀祥新一年開了個好頭，年初一到東莞登台，晚宴現場招待來自香港的短程旅客，所以十分親切兼熱情。過年中國人派利是代表好意頭，現場氣氛非常好，觀眾爭相派利是給他，祥仔已經好醒目，帶備環保袋到台上收利是，但因為場地較大，而且要顧及其他觀眾，他笑言收也收不切，估計起碼收到200封利是，可說是過了一個肥年！

大年初一祥仔到東莞登台，初三再到新加坡的賭場做騷，實行豬籠入水密密搵銀。他本身完全不介意新年要開工，覺得新一年的第一天搵錢是好意頭，更笑言是薄利多銷，自己從來不會推工作，只會「多啲嚟密啲手」，過年大家見到他都好開心，往年也沒有這麼忙，今年好旺，有好的開始。

初一晚祥仔做完騷立時乘夜車回港，年初二親自入廚煮開年飯，與哥哥及家姐等團聚，雖然比較疲倦，但一家人團聚更重要。他透露以前習慣初一食齋，初二食開年飯，尤其是開年飯好豐富，有雞有魚，好想回味兒時的感覺。祥仔坦言自從媽媽去世後，一家人各散東西，自去年開始他下廚做開年飯，大家吃得好開心。

祥仔親自主理的開年飯菜，包括有雞湯翅、大蝦、冬菇髮菜、豬手豬脷、雞、魚、金蠔、辣酒煮花螺及生炒排骨等，連蘿蔔糕也是媽媽傳下來的味道。祥仔表示炆豬手、豬脷最花功夫，而瓜子斑更是海鮮檔老闆留給他的，因瓜子斑紅色十分好意頭。此外，生炒排骨亦是他媽媽的拿手小菜，年少時他喜歡跟媽媽入廚，自覺只做到媽咪三、四成味道，他稱這餐飯只可以算合格，未做到心目中最滿意的味道，還有很多進步空間，不過一家人團聚氣氛勝過一切。