郭晉安挑戰爭議題材 醫生起革命

(星島日報報道)早前郭晉安、張達倫、鄭子誠於黃大仙廣場拍攝無線新劇《白色強人》。劇情講述郭晉安飾演的楊逸滔醫生兼院長、所隸屬的公營醫院有意轉為私營，為此舉行論壇，情況就如現實一樣，有不少反對聲音而引起激辯。

郭晉安提到今次角色是有點亦正亦邪的感覺，但歸根究柢都是想改革醫療制度。談到《白色強人》劇情貼地且具有爭議性話題，安仔說：「係啊，都涉及到政改同政治，都幾特別，我哋又要做手術、做醫療嘅嘢，甚至乎立法會上嘅用語。」

談到是否首次飾演有政治色彩的角色？安仔說：「其實個劇情我好鍾意，一個好富爭議性的話題。因為全球大都講緊醫療問題，人口會老化，衍生嘅問題就係醫療，將會係一個全球好大嘅負擔。呢個戲就係帶出呢個問題。」安仔坦言劇情具爭議性，因此沒有太多意見，若加自己的睇法及意見，就會另整件事更加複雜，他說：「我只可以順應監製要求，楊逸滔係一個好熱血去改革醫療嘅腦科醫生。」

此外，談到《白》起用年輕導演，跟新鮮人合作會否產生更多火花？安仔說：「佢哋好好，我覺得正正係需要咁熱血嘅導演。佢嘅熱血係放咗係演員嘅戲上面，人同人之間的關係度，所以我好欣賞。」安仔還透露稍後需要到內地拍攝醫院實景，大概需時三個星期：「我都習慣咗，亦都同屋企人講好咗，小朋友都有心理準備，知道爸爸每次拍劇都會離開屋企。（回港都會獎勵？）同佢講暑假會去旅行，都係熱帶地方。」