黎明愛女愈大愈似爸爸,不怪得黎明錫到燶!
黎明愛女愈大愈似爸爸,不怪得黎明錫到燶!

現年52歲嘅黎明(Leon)去年4月榮升為爸爸,佢對女友Wing和愛女均寵愛有加,對女兒的保密功夫更做到足,因為咁耐以嚟,女兒的照片只公開過一次。唔經唔覺女兒已1歲半,有指她單眼皮、愈大愈似爸爸,成個餅印一樣。而阿Wing一直專注照顧女兒,還親自帶她上playgroup。

黎明女友阿Wing一直對女兒照顧有加。
黎明女友阿Wing一直對女兒照顧有加。
黎明購入的豪華遊艇是國際知名意大利品牌。網上圖片
黎明購入的豪華遊艇是國際知名意大利品牌。網上圖片

Leon早前帶Wing與女兒去馬爾代夫旅行,開心享受家庭樂,咁都仲未夠,最近有傳媒報道指,錫女友同愛女錫到燶嘅Leon,早前大手筆購入價值2千萬港元嘅意大利豪華遊艇,帶女友和愛女出海玩,遊艇官網的相片可見,同款型號內更備有雙人大床。報道又指黎明仲想添丁,阿Wing當然樂意配合。如果成功生仔,不但可以湊成個「好」字,更一舉打破「四大天王」只能夠做「四大岳父」嘅「宿命」添呀!

同款遊艇外形線條流暢,配套十分齊全。網上圖片
同款遊艇外形線條流暢,配套十分齊全。網上圖片
同型號遊艇內部,更設有雙人大床,甚寬闊舒適。網上圖片
同型號遊艇內部,更設有雙人大床,甚寬闊舒適。網上圖片

已為人父嘅郭天王郭富城早前揸辣跑去買尿片,一度成為城中佳話,而黎天王亦都有平凡慈父嘅一面,早前佢就微服出巡,唔係去搵阿May,而係去商場為愛女買奶粉同得意公仔,心情勁靚嘅Leon遇到Fans邀合照亦有求必應,非常Nice!