维港会：新抱狂数奶奶罗嗦兼无脑 反被网民斥无家教

婆媳纠纷对不少家庭而言是个难以解决的问题，有女网民日前在社交网站facebook投稿，力数同住的奶奶罗嗦麻烦，经常询问「无脑」问题，令自己感到厌烦。不过帖文未有引起网民共呜，反而纷纷留言斥责楼主无礼貌、无耐性、无家教。

该名女网民在社交网站facebook群组「同住奶奶好恶顶」投稿，指同住的奶奶「成日对我做啲令我反感事情...把口就好似无咗个关闭制一样」，直斥对方罗嗦、长气兼麻烦。她力数8个例子，指自己放假不用上班时，奶奶便会问「你今日休息呀？」、「你放到几时返工呀？」、「点解咁多假嘅？」，楼主在帖文中不耐烦表示「咩叫点解？你自己问我老板吧！」

楼主又指，有次与丈夫相约朋友外出食饭，当准备出门口时，奶奶随即追问「你去边度食呀？咁夜先出去嘅？」、「去食咩呀？」、「同边个食呀？」，而楼主则直接不回答，关门离开，「你又无份去，去边度？食乜嘢？同边个食关你鬼事？」

除了投诉奶奶罗嗦外，楼主怒斥对方问的问题极为「无脑」，她举例指有时放假未有外出，奶奶又会问「你今日无出街咩？」，楼主抱怨称「我大个栋喺度咁就梗系无出啦，难道我留咗个魂魄，肉身出咗街咩」；平日去上班前，奶奶都会问「你带咗呢样未？带咗嗰样未？要逐样答晒先出得门口」，「我唔知几时会忍唔住回应佢：我咩都带齐，系争在未带埋你！佢自己无脑就唔好当所有人都无脑，讲紧我几十岁人，死就一世唔死就大半世，咁简单的唔需要你提，废都好似问紧：你今朝系咪空肚食早餐？」

不过帖文未有得到网民认同，大部分人留言力撑奶奶，批评楼主无礼貌，「我见到个好无礼貌又无耐性嘅新抱」、「我觉得呢个奶奶唔错喎，起码佢嘅烦系关心身边嘅人。个新抱真系好难顶」、「咁有本事咪自己搬出去住罗，自己买餸煮饭做清洁，唔使要奶奶帮任何事，自己乜都一手一脚自己事自己理」。