维港会：搭轻铁被推BB车妇人叫「行出嚟啦」 网民公审：有特权？

有轻铁乘客疑不满企位被BB车占据，于是拍照上载社交网站公审，惟反遭网民斥责凉薄。

该名网民在社交网站Facebook群组「元朗吹水区」上载相片，留言指：「请问轻铁车内，系咪有划分专用位俾BB车停泊？」更Hashtag「#系咪有bb车可以赶走企紧嘅所有人？」、「#真心请教」、「#求教导」。而根据照片可见，有两辆bb车停泊在轮椅位。

帖文引起不少网民留言，有网民指该位置是轮椅及BB车优先使用，亦有人斥责发帖者拍照公审做法凉薄，「其实一个妈妈推住个BB已经好辛苦，一个人搬上落楼梯，上到车又怕撞到人又怕整亲个BB，希望唔好咁凉薄。我明白楼主系『真心请教』，但系有啲嘢其实只要代自己入去人哋处境谂一谂，其实唔使请教人。」、「其实我日日都要1拖2搭轻铁，细嗰个得3个月大，坐已经无人让，想企个安全啲嘅位啫，都好似系错咁，生BB系原罪？ 背又错，推BB车又错，出街都系错？」。

发帖者事后留言回应网民的意见，指「真系好多谢大家咁踊跃留言！事实系我同一个50至60岁阿叔一齐企，有个阿姐入嚟，就用手示意我哋，我哋两个根本就冇留意到，佢就好冇礼貌咁讲咗句『行出嚟啦』，我由头到尾都只系想知究竟系咪BB车可以凌驾于所有嘢？可以有特权？佢现有位，就算有足够空间都一定要铲到最入？我真系唔知边一句触动大家情绪得咁紧要」。