维港会：网民巴士上食包 发文问啱定错惹热议

香港人工作繁忙，分分钟连食饭时间都无，有网民喺Facebook群组「巴打丝打」度开po，称自己平日朝早都系买个蒸包食住等巴士，不过今日迟咗，个包未食完就拎咗上巴士食，结果惹来司机同乘客批评。

佢指司机话佢「阿妹，你食都唔好咁明目张胆系我隔离食呀，我话你又唔系，唔话你又唔系」，楼主就随即连声「Sorry」，而坐佢隔离嘅乘客就对佢啧啧声，话「以(依)家啲后生女，真系当规矩死㗎，巴士食得嘢㗎咩」，楼主表示自己呆咗一呆，随即连声「Sorry」。

对于咁情况，楼主表示好不解：「好奇一问，我都系(喺)食个包，仲要冇味冇碎，乜真系咁多人介意有人系巴士食嘢咩？」，唔少网民都批评事主车上食嘢系唔啱，认为香港就算再远都系一个钟车程「落车先食都顶到」；亦有网民话「楼主都知自己系唔啱，只系想讨论下啫」、「打工仔辛酸」。