Kelly Online: 大妈超市即场拆袋换蕉 收银员：唔知你又拆？

为咗悭钱你可以去到几尽？以身试法就唔好啦！噚日（14日）有网民目击一名大妈偷龙转凤，将预先包装好嘅贵价香蕉即场拆袋，再「自助」放入透明卷装胶袋，网民随即向职员举报；大妈畀钱时被收银员踢爆时更辩称「我唔知」，收银员随时反驳：「唔知你又拆？你咁聪明嘅？」

网民Elaine Wong发文表示，购物时听到身后有响亮的拆胶袋声，转头一望便发现大妈将一款18元预先包装好的香蕉「大模斯样」拆袋，再「自助」装入透明卷胶袋，扮作4.6元一磅嘅平价香蕉。网民纷纷围攻大妈指，「扮晒野，博大雾」、「贼性难改」、「我见过自由行去超市倒洗头水落佢自己带去的小瓶度！」亦有网民大赞发文者「正义！做得好！」

希望大妈今次中「蕉」后知错能改啦，不好再以身试法！

照片来源：香港行山远足之友