维港会:王维基踩入总商会地盘「宣示主权」

总商会总裁袁莎妮正式成为王太，佢老公「魔童」王维基首次喺香港总商会嘅员工晚宴上露面，一上场就宣示主权，叫总商会印卡片嘅时候，唔好再用Shirley Yuen，要改名Shirley Wong。佢仲同在场嘅总商会员工话，想要听佢嘅爱情故事，定系要圣诞礼品？

结果个个要听爱情故事，搞到「魔童」唔知点落台，佢惟有勉勉强强咁讲咗少少爱情故事，话求婚过程好困难，喺飞机花咗90分钟，同喺地面嘅袁小姐求婚，是个超贵的求婚电话，足见诚意可加。

不过， 90分钟里面讲乜就内容欠奉，派圣诞礼物俾大家作为交换，提前做咗总商会嘅圣诞老人。所有在座嘅总商会员工及亲友，都可以获得HKTV Mall嘅礼券，令到大家满载而归，今次驸马爷在总商会员工面前加晒分啦。