唔认要氹入院通波仔 卢海鹏：做完都唔知做咗

卢海鹏（鹏哥）、谭炳文、朱咪咪等出席活动，鹏哥早前因心脏血管阻塞，被好友杜琪峯和戚美珍夹住入医院通波仔，但见鹏哥表现得精神奕奕，他自言留医院一晚便出院，亦好多人陪他入院。问到做手术后的情况？他说：「做完都唔知做咗，做咗都系一样，唔做都一样。」谈到有指他不肯做手术，要戚美珍与杜琪峯氹他入院；他说：「唔使氹，都冇乜事！（担心你？）担心又另一回事啦！唔知会唔会突然钉咗。」鹏哥直言未通波仔前因糖尿病经已戒口。
在旁的炳哥自爆曾做心脏搭桥手术用了11小时，当时在新加坡登台，赶返香港做手术。他说：「依家两个半月覆诊一次，暂时都冇事，有事就走，鬼叫有心脏病咩！呢啲嘢睇得好化。」手持拐杖的他，透露不关心脏病的事，而是腰部问题有马尾束（马尾综合症）。他说：「神经线被软骨刺住，只脚无力，行路会痛，可以做手术，但风险大，严重就会死，我都80几决定唔做手术。」谈到最近可有跟李香琴见面时，炳哥即耍手谓不知，鹏哥则谓总之大家最重要健康。（摄影：邝芷莹）