伤脚照开工陪唔到老婆庆生 森美获教路送小礼物氹返

森美被黄翠如爆日前拍新剧《过街英雄》动作戏时扭伤脚踝，又红又肿，故今日森美一拐一拐到外景拍摄场，他却谓没有大碍。他说：「场戏系由一部Van咁高跳落嚟，拍咗好几次都无事，点知落地踩中垫与垫之间个位，我听到啪一声，都怕伤到十字韧带，之后睇医生话系脚踭筋膜撕裂。当时好痛好痛，但做咗一样好型嘅嘢，就系问导演个镜头用唔用得。人地3楼跳落嚟，我就一部Van仔！」
提到翠如又大爆他拍摄动作戏时自荐加动作，森美说：「就咁捉住一个人，咁不如加个拨手、擒拿手，好睇啲嘛！好似今日系我太太生日，拍完外景今晚仲要厂景，咁就同唔到太太庆祝。既然牺牲咗时间，不如做好佢。」森美谓老婆没投诉，不过翠如早就教路叫他买礼物给老婆庆生，他日前已将小礼物送给老婆。他说：「无买好多年㗎喇，翠如话太太生日要开工，就要买礼物。」（摄影：邓国良）