见证会变栋笃笑 森美自爆童年瘀事

44岁的森美在第2辑旅游节目《森美旅行团》浸浴、反串扮艺伎的爆笑演出，成为网上热话。荧幕上森美惹笑搞鬼，现实中他是虔诚的基督教徒，不时参演福音电影外，又会担任教会举行的布道会嘉宾，分享见证。早前，他应九龙城潮语浸信会邀请，作主讲嘉宾。当日他上台30分钟，全程以栋笃笑形式来讲述个人的信仰经历，充满娱乐性，更自爆童年时一件超级瘀事。

森美分享：「你哋平时好少见到我真人，见到真人好难得㗎，觉得我真人靓仔过上镜嘅，畀啲掌声我听吓。（现场即时掌声如雷）。不过，作为一个上镜嘅人，听到呢啲掌声唔系好开心。之但系，有次搭的士，司机用倒后镜望住我讲：『森美，你真人冇咁样衰。』你话好嬲定好笑？」

森美又自爆从小已喜欢说话，又爱交朋结友，然而读至中三，他由赤柱圣士提反书院转到九龙塘喇沙书院就读后，初时因仍未能融入同学圈子，曾有过一段孤独的学生生活。他忆述：「转到九龙塘读书，因为近屋企。以前我有好多嘢讲、好多朋友，但一转到去，就冇晒朋友！因为新学校嘅同学，好多都系由小学开始同班，已经好friend，所以去到中三，已经冇可能同人friend。」尤其入学初时的个多月，最令他难受的是放午饭时间。「嗰个几月，我系一个人食饭，我开始怨一样嘢，怨乜嘢呢？我怨个lunch time太长！」森美七情上面地说。「个半钟头！食一餐饭，两个字（十分钟）就食完，仲有一个钟头四个字（一小时二十分钟），我坐喺度唔知做乜嘢好，好唔开心。」

就在这段孤独的日子里，却有一名同学每日不停向他嘘寒问暖。「佢好奇怪嘅，每朝早一返到学校见到我，就会走埋嚟：『Sammy，你今日点呀？』『OK呀、OK呀！』第二日，佢见到我又会问：『Sammy点呀？你今日OK嘛？』搞乜呢？点解呢个同学日日都要问候我一次？」后来他从其他同学口中，才得悉这位同学的背景。「佢哋话：『佢以前好曳㗎！讲粗口，又试过擸架生打交！佢系今年先变成咁咋。』搞乜变成咁呢？原来返咗教会。」他很好奇，为甚么这个同学会有如此大的变化，于是便尝试跟他返教会。「唔去尤自可，一去，即刻变成好多人一齐嚟问候我！好尴尬！」

查实森美的基督教信仰，自小已受母亲薰陶。「我妈咪想我读教会学校，所以我读幼稚园冇耐，我阿妈就带我去教会听故事。每晚临瞓前，我都会有祈祷嘅习惯：『主呀！今晚唔好濑尿！』好得意，我嗰晚冇祈祷呢，就濑硬。」森美的见证轻松搞笑，难怪当日布道会座无虚席。