歌迷排队买红馆骚门票捱斩 华仔心痛哽咽：大家注意安全

刘德华将于12月开20场跨年红馆骚，门票于下月4日开售，日前已陆续在歌迷到公开发售地点排队。不过今日凌晨一名内地中年汉在柴湾青年广场城市售票网售卖点排队轮候期间，被两名男子斩伤，另有排头位的黄姓青年曾被两名男子滋扰。
华仔拍片开腔回应伤人事件，哽咽的他表示内心不舒服，只想歌迷开心睇骚，希望警方保护市民。

华仔说：「Hello我系华仔，今日我听到一个好唔开心嘅消息，听完事件好唔开心好唔舒服，其实我希望喜欢我支持我嘅朋友能够平平安安去购买我嘅演唱会飞，开开心心嚟睇我嘅演唱会。我知道每个有关嘅单位佢哋都花咗好多时间去谂，我亦都知道好难会有一个好完美嘅解决方法，所以喺呢段时间里面，我哋会尽量去再跟进呢件事，呢段时间希望警方兄弟姊妹多加巡逻，能够保护所有市民；亦当市民喺排队过程里面如果感觉到安全有问题，就要报警。再一次希望大家喺排队过程里面保持冷静，注意自己安全，你嘅安全就系令到我开开心心表演畀你睇嘅最大动力，多谢。」