维港会: 中电蒋东强唔入「热厨房」

湾仔会展正举行「家电.家品.博览」，中电今年已第四年参加。中电总裁蒋东强(TK)同企业发展总裁庄伟茵(Quince),今日更现身参展摊位支持，夥拍名厨陈国强,同埋星级女煮人梁雅琳(Hilda),率先用近期爆红嘅日系电磁炉煮几味,现场嘉宾大赞有镬气无油烟!
TK同Quince屋企都系电厨房。工程师出身嘅TK,即场解释点解电厨房唔系热厨房，佢话厨房嘅「心脏」--电磁炉嘅最大优点系喺锅具「直接加热」,热力唔会流失到周围嘅空气令气温上升。直接加热锅具唔单止热力劲,够镬气,仲可以缩短烹煮时间,自然悭返唔少钱。佢话炒餸煲汤,比用传统煮食炉悭番最少三分一燃料费!
而Quince就话,电磁炉煮食油烟比用传统煮食炉少,而且容易清洁得多,佢自己一个都可以轻松应付。