苏慧恩关西拍MV要靓唔要命 9度大露背下海劲打冷震

歌手苏慧恩（Ophelia）早前到日本关西拍摄慈善旅游书，为苗圃行动帮助缅甸建学校筹款，Ophelia顺道为广东新歌《小街灯》拍摄MV，国语版则名为《多少日子》，两首新歌的CD更收纳于她所著作的慈善旅游书内，希望大家一边听歌，一边欣赏美景。
新歌MV在关西白须神社的水上鸟居航拍，Ophelia在只得摄氏9度天气下穿著大露背纱裙下海拍摄，她笑言：「我平时好怕冻，但今次为可以喺靓景拍摄，辛苦啲都唔怕，不过因为我落水之前冇做热身运动，直接跳落水，点知落水唔够20秒，我已经忍唔住跳番上水，因为双脚麻痹哂，对脚好似唔属于自己咁，上水之后要不停跳几分钟，热完身再落水先至好少少，但系我都不停在水中打冷震，几乎要靓唔要命！」

Ophelia 表示：「今次拍摄真系要唱陈奕迅首《岁月如歌》，尤其系『天气不似预期，但要走，总要飞』呢句歌词真系好啱形容今次呢个旅程，本来计划今次行程好松动，可以顺道拍埋MV，冇谂到去6日，有3日都落雨，仲系又雷又雨，当时心情真系好灰，最后因为天气太差，MV最终都拍唔晒，我哋都要返到香港再坐船去澳门补拍，好彩最后MV制成品出来效果唔错。」