【激到飞起】工人挂住玩手机 叶翠翠囝囝撞伤面

艺人叶翠翠近日家中发生了一件小意外，她囝囝周津羲(小王子)撞伤了左边面，留下一条红色痕，令翠翠非常心痛！

话说翠翠近日做直播时，突然听到「碰」一声，然后听到小王子大喊。她立即走去看囝囝，发现他左边面红晒。工人姐姐话小王子因爬得好快而跌倒，不过翠翠翻睇家中的视像片段，发现当时是因为工人姐姐挂住睇手机，无理会小王子周围爬而出事，激到翠翠飞起！她好认真咁同工人姐姐讲唔可以再睇手机，唔可以让同样事件再发生，而工人姐姐知道翠翠发现她讲大话后都好惊。

翠翠事后好慨叹咁话：「平时在我面前，工人姐姐同小王子唱晒歌仔，成日话佢好乖，话以前顾(雇)主啲小朋友成日喊，而家好中意小王子，对小王子好好，原来顾(雇)主一唔睇住都系一样。」