【开心到烧炮仗】外景杀青 胡定欣傅嘉莉嗨爆

无綫新剧《包青天再起风云》喺横店拍咗一段时间，好多个艺人都参与其中，之前就有傅嘉莉(Kelly)、陈凯琳（Grace）同胡定欣，仲有杨诗敏（虾头）和何远东！原来横店外景，经已杀青，几位剧中嘅重要人物劲开心，系网上不停甫相晒合照，仲见到姚子羚喎！
胡定欣系IG留言话「横店站终于完成啦!真系要烧炮仗贺一贺佢!~~~~~~」，仲hashtag#辛苦晒，而傅嘉莉就话横店外景「我汤晓晨全剧完喇！心里万般感受，感谢台前幕后每一位努力付出，《包青天之再起风云》必定在电视界掀起风云！」之后佢哋仲真系烧炮仗，傅嘉莉仲食住蕉冲入镜，成班演员仲一齐跳起yeah，好开心咁喎。