袁咏仪46岁生日自觉长大了 自爆哥哥梅姐曾劝少得罪人

袁咏仪（靓靓）昨日46岁生日，获老公张智霖（Chilam）及多位好友陪伴庆生，开心收花及生日大蛋糕，她于社交平台贴出多张聚会照片，并留言：「生日能跟知己好友一起渡（度）过，温馨的一顿午餐、晚餐，原来已经很快乐，真的长大了！当然在不同的平台得到你们的祝福，亦是我的幸福，感恩！」 另外，靓靓最近接受奇妙电视节目的访问，爆料指「4条废柴爱打牌」，谁是4条废柴？Chilam榜上有名，其次包括郭富城、沈嘉伟和一位圈外朋友「大哥」。靓靓爆笑说：「点解叫佢哋废柴？因为佢哋玩起上来真系好废！譬如Chilam今日同我讲：今晚去打牌呀！我问佢：点解呀？佢答：阿王（指郭富城）听日走啦！到咗听日，Chilam又同我讲：今晚去打牌呀！我问佢：点解呀？佢答：阿王（指郭富城）返来啦！你话废唔废？」不过打牌总好过花天酒地，靓靓亦承认说：「所以我咪由得佢去罗，至紧要识得返屋企，好似沈嘉伟咁，打到三叉神经线发炎先肯返屋企，哈哈！」 靓靓不但口不择言，还目中无人，最近她便被爆当年曾得罪成龙和王晶，靓靓坦言：「以前哥哥（张国荣）同梅姐（梅艳芳）都话过我，哥哥仲话：花无百日红，要我检点啲，但我把口硬系快过个脑！」Chilam熟知她脾性，为免她爆出不适当的话，有时会捉到她实一实，靓靓笑道：「老公都怕咗我！」 靓靓和Chilam结婚16年，已是圈中公认的恩爱夫妻，被问到如何将感情保鲜？靓靓分享说：「至紧要唔好觉得理所当然！如果对方要变，肯定自己都有问题，所以要积极求进步，唔好做一个被嫌弃嘅人。」靓靓举例说：「好似我依家唔拍戏，但我会去了解周边发生紧咩事，同老公倾偈就可以有说不完嘅话题！」 最近靓靓少了工作，她透露原因：「年头拍完内地节目后，魔童（囝囝）唔知点解变得好黐身，成日问住我地喺边、几时返屋企？所以Chilam叫我唔好做嘢，陪多啲个仔。」 今时今日Chilam已是男神，财来自有方，但当年他和靓靓拍拖时，却被指「女尊男卑」，靓靓承认说：「以前我都成日听到有人咁话佢，但我记得一句说话：宁欺白须公，莫欺少年穷，每个少年都有佢嘅机会，依家证明我无买错呢只蓝筹啦。」