当年重抑郁强撑Kay攞奖 张继聪发放正能量：人生美好根本冇衰嘢

自从老婆谢安琪（Kay）诞下女儿张靖，加埋囝囝张瞻凑成「好」字后，张继聪经常在网上放闪，一家四口非常幸福美满。不过，阿聪于深宵时份话无意中看到7年前Kay在叱吒夺女歌手银奖的感情感言，他也再次感慨起来，于社交平台贴了长文。回想当年被指「女尊男卑」，更被封「废柴老公」，他就说：「啱啱出世嘅朋友仔可以去历史博物馆查吓我当时嘅外号，就会略知一二，当时我嘅花朵真系好猛」；随即重提当年的抑郁病非常严重，「非常想又非常怕去依个Party 。想去，系因为太太当时成绩非常出色，我一定要系现场支持佢同见证佢努力嘅成果；怕去，系因为我当时嘅成绩非常冇乜成绩…。片中所见嘅我，其实当时食行药，所以好口乾，好头晕，好攰，个cam又起势队住队住，同时又好感动，好替太太开心，好想抱住佢，再同时好惊好怕，好担心食白果嘅我唔知又会比（俾）人点嘲笑，总之九万几个层次又li又lu…同时台上嘅太太，成晚虽然得到好多个奖，其实当时嘅佢抑郁病都好猛烈，承受好大嘅压力，佢都系考紧宇宙畀佢嘅试…」。 慨叹完，阿聪就以现时正面的心态说：「你话世界系几奥妙？快唔快乐，原来同得到几多无关。 快乐，其实系因，唔系果。如果你咁得闲睇到嚟依到，朋友，我想讲嘅系，每一个经历其实冇乜意义，意义系由自己去界定，但系一定比你想像中美好同重要，就算当时系几恶啃都好，好好行自己嘅路就掂。就好似我家吓睇番段片，发现原来果（嗰）日唔系路障，而系加油站，令我选择之后嘅路，决心寻找快乐同自在；亦系果（嗰）日，令我更有勇气去更多嘅颁奖礼，食更多嘅白果。所以你话，人生几美好，根本就冇衰嘢」。