林忆莲公开多谢背后男人 赞恭硕良充满才华

林忆莲红馆骚昨晚头场，讲到早前参加内地歌唱节目《歌手》，被网民批评天后自贬身价，忆莲于台上谓过去一年在工作上有不同新挑战，得到宝贵经验。她说：「最初接呢个节目，好多朋友有不同声音同意见，有朋友觉得唔应该做…我唔需要解释咁多，呢个节目令我得益好多，大家畀我嘅厚爱，得到天后称号，但其实我只系好锺意音乐，一路成长，呢个过程学到好多，识好多新朋友，自己进步咗。我哋会容易企咗喺舒服环境同圈子，唔愿意挑战自己或踏前一步；人要不断成长，多谢身边支持我决定嘅人，多谢背后两个好重要嘅男人。」 忆莲首先多谢音乐总监伦永亮（Anthony），「每首新歌都是挑战，每日通宵不眠编曲，没怨言一直带微笑，我好幸福，有Anthony这个音乐伙伴。」说到此感忆莲触落泪，之后续说：「另一位好重要男人－恭硕良（Jun），每次接到编曲时，只得一晚半晚喺录音室即刻唱出嚟，啲人以为我唱咗咁多年好轻松，但唔系，需要谂点去唱。Jun每晚陪我喺录音室教我唱同度音adlip，令好歌呈现，再一次多谢呢个人。」忆莲表示每次歌手站在台上看似很风光，其实背后得到幕后好多朋友音乐支持和付出，所以今晚借机会多谢两个好重要的男人。其后，介绍乐队成员，她说：「大家非常熟识，非常充满才华嘅Jun Kung！」（摄影：罗安强）