爆肌森美骚童年肥仔相 同陈奂仁「撞样」

往事只能回味！唔少明星童年时都系肥仔肥妹一个，圆咕碌咁得意，不过大个咗就完全唔同晒！呢排不停骚爆肌嘅森美就系其一个！近日佢仲放咗自己嘅童年相出嚟，估唔到块面好似包咁胀「巧打意」呀！但有网民就直言完全认唔出系森美，根本一啲都唔似样，不过有粉丝就突破盲点，森美嘅童年LOOK根本同陈奂仁「撞样」，莫非...... 无线节目《森美旅行团》频频宣传，森美就不停放肌肉照，其中节目两段绝密片段，一是森美裸浸温泉，仅以手遮下体，尽骚大只胸肌同手臂，当然佢有解释，裸浸温泉只是入乡随俗啦，不过囡囡都唔多妥。前排森美自爆就读五年级的囡囡只许太太参与学校活动，全因不满他在家经常露体，担心他在同学仔面前也会除衫。森美笑谓：「真系俾个女激死，个个父亲大热天时在家也是这样，何况我操到咁fit。」 不过今日咁fit嘅佢原来昔日并唔系咁，佢放咗张小学时的旅行照，仲话「去旅行永远系最开心」，而且图中嘅森美仲背住个背包仔，张相仲有啲变色，真系有返咁上下历史，相信当日见完呢个小朋友，今日见返森美，你都唔会认得系同一个人。 粉丝们纷纷留言「肥仔果为系潜质股」、「你去商台interview嗰阵时系咪用呢张相？」、「好靓仔喎，少少baby fat」。但唔少人都话，呢张相好似陈奂仁。