阿Sa扮嗲怕男友作呕 赞塞纸巾入袋够体贴

罗兰、蔡卓妍（阿Sa）、刘鸣炜等人出席《哈罗喂全日祭2017》揭幕礼；身为海洋公园副主席的刘鸣炜相当卖力，巫师look上阵与众舞蹈员载歌载舞登场，再担任司仪。罗兰姐穿上短裙化身俏护士，阿Sa的哈罗喂造型只是载了一对魔鬼角的头箍，她上到台后也大呼后悔，因大家扮得好认真，相对自己有点hea。 阿Sa受访时说：「早知我都落力扮喇，唔知道原来个个都扮到咁『行』！（会否和男友石恒聪玩鬼屋？）看10月万圣节有没有时间，其实前两年都有同容祖儿玩鬼屋，玩鬼屋我就唔惊，反而睇鬼片或恐怖片就会惊。（男友是否大胆一族？）佢嘅胆子还好。」笑指女仔在这种环境要扮惊嗲下男仔，阿Sa哈哈笑道：「搞啲咁嘅嘢？我唔做呢啲㗎，剩系做返自己，否则我惊忍唔住呕、亦怕佢会呕，我扮唔到『㖿』嗰啲呀！虽然有时我都想女仔啲。（因为被爆去旅行要男友塞纸巾入袋？）咁佢体贴方面系ok，以前我的确唔会带纸巾喺身，开工就索性带成卷厕纸。」 提到祖儿日前踢爆杜拜之行，阿Sa经常与男友玩视像传情，阿Sa只好直认：「久唔久啫，我都好忙㗎，其实我系去做嘢。（也要抽时间和男友沟通嘛。）得，我有分数，其实都唔想多讲感情事。」谈及结婚、同居、过夜及见家长等话题，阿Sa没好气的笑谓：「未结呀，我有自己屋企㗎，大家唔好咁八喇，我有分数，好攰呀，来海洋公园真系好恐怖呀！总之感情事唔想交待咁多，我样样都好。」 阿Sa表示之前也有听过9岁的谭芷昀（Celine）唱歌，赞唱得很好，能跻身准决赛已经好厉害。提到Celine出局，阿Sa指比赛一定有赢有输，尽了力便OK ，至少现在有很多人看过她的表演，及知道她唱歌很有天份。