杜拜豪食豪玩 祖儿阿Sa睇靓景劲Happy

容祖儿、蔡卓妍（阿Sa）日前孖公仔飞去杜拜拍旅游节目，同老友出游寓工作于娱乐，当然开心啦。二人豪食豪玩非常叹，去了位于杜拜的全球最高餐厅共进晚餐，透过360度全景的落地大玻璃窗睇日落，难怪二人笑到见牙唔见眼。祖儿开心留言：「Happy life =全球最高的餐厅+ 美食+ magic hour + 劲靓view + 少女尽诉心中情。不求同年同月同日生，但愿同年同月同日chill」。唔知两位「少女」边饮酒边倾啲乜呢？ 叹完美食，阿Sa亦上载豪玩美照，全白Look示人的她骚长腿，欣赏著美景在大泳池中做spa，十足公主咁款，阿Sa都不禁高呼「美、震撼」。