吴家乐胸压E cup锺采羲咀嘴　高海宁火辣泳装够养眼

王晶监制的《赌城群英会》跟足其风格，不时洒盐花吸收视。噚晚播出嘅一集落足力「胸」群出动，先有吴家乐喺剧中同阿爸嘈完交，饮到醉晒上门搵E cup锺采羲（Iris），吴家乐抱起Iris玩转圈圈，仲瞓落梳化胸压胸咀嘴。

另一场戏就系高海宁（高Ling）扮「出水芙蓉」，孖埋文凯玲、黄浩然、何浩文游水，睇到人金睛火眼。为咗拍落水戏，高Ling跑步跑足3个月同戒口Keep Fit，效果的确冇得顶。高Ling亦喺社交平台上载当日嘅游水相，有黄浩然、何浩文作状Kiss抢镜，搞到高Ling话：「麻烦帮我P走他们！#爱抢镜头的两兄弟」，唔紧要啦，始终都系性感高Ling最煞食。