星8卦丨「冷脸」对外冷漠超酷 前夫男友相处融洽一家和睦手段高

所谓家家有本难念的经，大家睇咪「冷脸」份人出亲嚟都好似得罪全世界，唔啱，系好似全世界争佢钱咁。但面对自己锺意嘅男人，真系乜尊严都放低晒！

相关阅读：星8卦丨「大眼」挞著「情圣」最错被「辣婆」夹埋阿太玩谢坐冷板

好似初恋「得哥」，行为古怪，以「冷脸」嘅条件，真系可以搵个好啲，但佢同阿妈讲「得哥」帮佢最多系启发自己音乐才华同埋事业发展，于是同佢住埋喺贫民区做阿四，「得哥」真系唔怜香惜肉，点到「冷脸」陀陀拧，阿妈见到直情话要同佢断绝母女关系，因为好心疼阿女唔矜贵自己。

相关阅读：星8卦丨「细细」为家计捱苦老窦唔同情 揭发真正身世情绪崩溃

然后就同「鲜肉」一齐，论身家等等男仔就梗系高攀啦，由「得哥」开始，「冷脸」似乎惯咗 任何男人都系等佢养，好彩真系红到开巷，所以唔驶做都有钱收，于是好似银行咁畀男人做提款机。

相关阅读：星8卦丨「整容」送外卖送到嫁人生仔   「小明」无惧被嘲笑娶妻一家和睦

好似同「前夫」嗰段孽缘，连人哋个仔都负责埋生活费，真系大方到不知得了，而且咁多个男人都可以同枱食饭有偈倾，啱嘅仲可以合作搵钱，全世界睇到只系觉得「冷脸」超级厉害，将所有男人都控制到想点就点。连几个唔同老窦嘅细路都相处融洽，呢啲真系「冷脸」本事，如果搵佢去做调停专家，一定世界和平唔会再打仗。