星8卦丨「娇娇」好命有继父经济支持做梅香 激死阿妈谂计要阿女重新做人  

如果唔系因为有个嫁得好嘅阿妈，「娇娇」亦唔会喺幕前有知名度。老实讲佢天份事实唔高，阿妈当年都系普普通通，只不过小家碧玉系当年好流行，所以吸引人，呢啲系时势问题，偏偏好快 嫁咗「花心」，搞到 一镬粥。

相关阅读：星8卦丨 「大婆」被飞闪嫁「才俊」旺夫陷骗局惨变第三者
 
仲要有咗「娇娇」之后离婚，生完以为要再搏杀过，点知就畀佢遇到帮佢接生嘅医生，话阿妈一直系自己理想嘅女神，希望可以照顾两母女。医生果然讲得到做得到，当「娇娇」好似亲生女咁锡，自细生活富裕，「娇娇」唔系好知掟，觉得自己咁靓系可以行阿妈条旧路，但阿妈看在眼内梗系知唔得啦。

相关阅读：星8卦丨「老前辈」自制病历 扮「性上瘾」滚女不留后有原因
 
但医生老豆一直畀钱支持，帮佢搵晒人脉搭通天地线，结果系咁多年都靠畀钱搞掂所有高层，医生老豆仲成日免费帮呢班人睇病。阿妈梗系唔开心，同「娇娇」嘈到拆天，咁多年都系做埋梅香角色，睇住一个读埋大学返嚟，唔好好做人嘅心肝宝贝，又点会唔心痛吖，为咗令「娇娇」清醒，阿妈最终逼医生老豆截断对 「娇娇」嘅经济支援，睇下会唔会令佢清醒！

相关阅读：星8卦丨「莫名」忍足廿年决定斩缆 有钱有爱人完胜人生下半场