星8卦丨「娇娃」同「老板」搞上「恶妻」质问摆「蠢仔」上枱自保

娱乐圈叻女真系唔少，好似「娇娃」就转数够快，人又够狼，所以多年嚟都星途顺畅。当年签畀「老板」梗系要牺牲下，卖埋身体预咗，不过「老板」玩得认真咗，畀家中「恶妻」知道，仲搵埋私家侦探跟踪攞证据，好彩只系影到啲似是而非嘅画面。

相关阅读：星8卦丨「阿叔」照顾「大眼」够痴心 同「呆佬」一齐开心做老窦

「老板」有今日可以做影坛大亨，都系靠老婆帮手打江山，连间屋都系「恶妻」嘅资产。因为管得严，「老板」扮惊老婆，其实方法系唔会点样畀啲女上身。「恶妻」见冇办法问到，直接打畀 「娇娃」问你系咪同我老公搞埋一齐？「娇娃」畀人突然咁问，换咗第二个一定吓到唔知点答，但佢竟然气定神闲话「恶妻」误会咗，自己其实系同「蠢仔」一齐，而且感情发展稳定，仲求老板娘唔好踢爆两个人关系，因为仲要搵食。

相关阅读：星8卦丨「痴情」媾女上瘾阿妈出招拣 识做新抱一家和睦

事实佢真系同「蠢仔」有一手，只不过玩下一夜情，大家都唔会认真，临急临忙梗系搵个同自己瞓过嘅男人上枱自救，就算「恶妻」去求证，佢都已经同「蠢仔」打咗招呼，叫佢要认系自己男友，咁就平安过关。果然「恶妻」真系去问「蠢仔」，得到满意答案就放「娇娃」一马。