星8卦丨「组织」出街食饭成日搵着数俾人唱 单独各自各又变正常人

一班人聚埋自然几个墟，但对啲有少少知名度嘅姐仔，大家都觉得好难服侍。近期比较活跃嘅「组织」，成班后生女志趣相投，见自己有名气，出去食饭就好有态度，嫌三嫌四，要房间要有私隐，又觉得益咗人，连房钱或最低消费都唔肯畀，我系明星嚟你度食饭已经系宣传，其实你唔应该收我钱添呀。可能成班咁高咁大嘅女仔喺埋一齐，就系要借呢啲机会表现自己与别不同啩？

相关阅读：星8卦丨「姣精」害「直男」形象全毁 正牌炮友「咸湿」偷笑甩身

但奇在佢哋各自分开又会变返一个好易相处嘅人，好似「靓妹」平时鬼咁易话为，食茶餐厅都好鬼好人完全唔介意，仲话平靓正有香港特色，另外一位「高贵」优雅斯文，约佢食饭完全冇意见之馀，成日话食乜都咁开心，订埋位仲同啲老板好老友，客气又礼貌，而且非常舍得食，一啲都唔孤寒。

问题系「组织」一吹鸡话食饭，班姐姐即刻麻麻烦烦，就会好多条件同啲食肆讲数，搞到好多餐厅而家知佢哋嚟食饭都嗌头痕，攞着数之馀，仲要要求多多，喺业界之中已经传开晒，虽然明星效应总有餐厅需要，但唔系个个顶得顺呢种太夸张嘅自我感觉良好架！

 

其他文章：

星8卦丨「唱将」生完仔复出搵钱 扭拧拣Job计划再生几个

星8卦丨「青筋面」耍手段擦「福伯」鞋  攞大奖人缘心地差依然冇运行

星8卦丨「大只」以为嫁硬「才华」被抛弃 搵个男人扮结婚激将法害自己下半生

星8卦丨「冻冻」为生活畀「书生」嫌弃 遇「英俊」搭棚呃身家苦命女人

星8卦丨「妹妹」被老豆抛弃艰苦养家 「猛爷」重拾初恋爱得认真