星8卦丨「气质」「混血」太穷被逼分开 痴恋「专业」骗财骗色以为执到

讲到痴情无人够「气质」执著，同「混血」青梅竹马爱得浓情，点知要背屋企一身负担， 爱得几深都要分开，因为嗰阵大家都好穷，坚持一齐就揽住死，自救紧要过爱情。几年后遇到「专业」，「气质」以为对方真系好叻，殊不知又系空心佬倌，连个牌都系得一半真一半假，为咗拍拖连工都唔返，而「专业」真系好大使，将「气质」啲钱乱Fing。

相关阅读：星8卦丨「姐姐」 一早食咗「俊俊」 安排认爱形象正面长做长有

「气质」谂住唔做，但要养起「专业」只得继续捱，好唔容易摆门话分咗手，至多啲机会去搵钱。「气质」卖嘅系你有名叫气质吖嘛，畀记者踢爆「专业」啲恶行，佢依然不离不弃，同现实斗唔过就对全世界讲大话已经分手，实情两个人系外地偷偷注埋册。

如果唔系因为有咗，「气质」都系扮去读书生咗至算，鬼整喺外地畀人认到，仲摆埋上网， 佢至焗住承认同人人眼中嘅骗子已经结咗婚，即时名声大跌，求以前嘅经理人帮忙都搵唔到Job做。大家其实心凉架，你一直唔恨做呢行，有机会又嫌三嫌四，依家上天答应你无得捞，终于可以退休，真系恭喜晒架！

其他文章：

星8卦丨「木面」靠「俊哥」射住任驶钱 「富豪」割席自保被逼再出山

星8卦丨「阿太」搵错「三寸钉」玩失踪唔合作 下封杀令终于蒲头

星8卦丨「倒𥄫」情场多波折 贴钱打本益「番鬼」以为有得嫁

星8卦丨「四方面」割价霸住做大场第一个 威畀前度心魔放唔低

星8卦丨 「扮劲」狗眼睇唔起人 教仔搵有钱人做朋友 穷人咪埋身