《中年好声音》评审周国丰为换电话想「杀人」？罕有发火狂轰：系唔系需要报《东张》
2024-10-08 22:00 
前香港电台前助理广播处长（电台及节目策划）周国丰因为担任TVB歌唱节目《中年好声音》三辑评审而令观众留有印象深刻，作风亲民的周国丰不时在FB分享生活点滴，经常惹来不少回响，近日周国丰分享一次换手机经历，竟然嬲爆地说：「我都想『杀人』！」甚至扬言：「系唔系需要报《东张》？」
相关阅读：《中年好声音》评审周国丰54岁生日！车婉婉与天王到贺 同是新秀出身发展大不同
周国丰因换手机嬲爆想「杀人」兼报《东张》？
周国丰自从在2022年11月开始为《中年好声音》担任评审，与伍仲衡「左右门神」的姿态经常笑爆网民，周国丰更加活跃FB，经常分享生活的点滴。日前周国丰罕有地发嬲，撰长文并说：「长文！慎入！系唔系需要报东张呢？妖！每次换手机，我都想『杀人』！」原来周国丰因为换电话的关系，用新手机登入银行的应用程式，令他觉得自己是「通缉犯」，被人「审」完又「审」，他还说：「最惨系打去银行热线，首先，听『千年』嘅语音指示，然后，被逼接收『万年』嘅银行讯息，最后，等『一光年』都系嗰句『电话线路繁忙，请耐心等候』！好啦！好唔容易接你个电话，原来『有罪』嘅原因系你delete咗旧电话嘅app系无用㗎！基于security理由，必须要银行帮你delete，先可以腾出quota畀你部新电话（device）喔。」
周国丰以为闹剧以为完结
周国丰称以为闹剧以为完结，殊不知好戏在后头：「我（唔耐烦）：『咦！？咁我需要打去你哋马来西亚银行嘅热线，处理我马拉个银行app！？」银行（香港）：『Emmm⋯周生，唔好意思⋯⋯系。需。要！』我（准备爆粗之际）：『⋯⋯』银行（香港）：（有啲淆底，立即截住我）：『周生，我⋯我⋯我而家试吓直接帮你驳去我哋马拉嘅银行热线⋯』。」
周国丰续说：「要拣语言，反正我唔系伍某人，我拣咗普通话。银行（马拉）：『Hello！』我只系用普通话讲咗几个字⋯银行（马拉）：（全英语）『唔好意思！我唔识讲普通话。』我开始著灯，好！我就转英文台，同你大龙凤（全英文对答）！我：『你唔识普通话，咁你哋又畀客人拣呢个选择！？』银行（马拉）Dead Air⋯⋯（乌鸦出场）我：『OK！我哋呢段对话有录音吖嘛？听住！当我serve你哋银行，而家系我。迁。就。你！用英文同你沟通⋯⋯（下删一万字）』呢一万字又系关于啲咩身分确认、语音确认、密码确认，讲咗好Q耐，到最后程序⋯银行（马拉）：「Emmm⋯周生，唔好意思！我哋个system显示你而家打俾我哋嘅电话号码唔系资料上报咗嘅电话号码，我哋唔可以接受⋯』我：（佢未讲完，我已经火山爆发）『梗系唔系我个电话号码啦！系你哋银行嘅香港热线帮我接驳畀你哋吖嘛！』
周国丰参加《新秀》片段：
最后再次Dead Air情况，周国丰忍不住对职员说：「我喺香港通话嘅时候，已经go through晒所有验证程序，你而家先同我讲『唔接受』！请你听住 ～ 系我『唔接受』你哋提供呢啲垃圾级嘅服务！作为一间国际知名银行，你哋会唔会觉得羞耻呢！？你同我讲究procedural compliance，咁你一开始唔讲清楚『电话号码』呢一点！你知唔知浪费咗我几多时间！」结果出再出第三度Dead Air。
周国丰留言竟被派爆笑emoji
周国丰的留言一出，惹来不少网民留言，竟然最多人派爆笑emoji，周国丰即说：「嗱！我睇过啲反应，你哋咩人类呀！？点解咁多人畀「
」呢个emoji，你哋有无同情心㗎？」有人回覆：「因为你真系形容得生鬼有趣，好有画面。」、「我畀笑，因为好同情你。」亦有人提议：「一于报东张啦！又唔使打格仔遮面，报导出街后，你随时做埋英雄，嗰间银行以后当你神级VIP呀，我哋畀开心emoji，系唔想泼火啫，周sir你最叻转危为机㗎。」不过有人觉得：「其实最好笑系『伍某人』都有出现喺段嘢入面。」
其他文章：
中年好声音2 丨周国丰参加《新秀》陈年片翻hit！样貌激似敖嘉年 与前TVB小生同台合唱
最新回应