40岁罗启豪获赞靓仔好怕丑：有啲尴尬 搞Fans活动支持社企回馈社会丨独家
2024-10-04 06:00 
日前罗启豪跟80位「豪壳」(fans)于社企餐厅聚会，又试戴赞助商为他设计的眼镜，启豪摆晒chok甫士，fans好开心狂呼好靓仔。对于《中音3》展开，他坦言要加把劲，努力争取更多曝光加强竞争力。采访：方骞平
当日社企餐厅内挤满罗启豪嘅fans，相当热闹，由于被赞好靓仔，好怕丑嘅启豪笑说：「我唔系靓仔，听到佢哋咁赞我都会有啲尴尬㗎，不过，见佢哋咁热情，感受到嗰份爱，真系信心多咗。」
跟fans组义工队
罗启豪强调唔会同fans拍拖：「我会感激佢哋咁欣赏我，但要分清楚大家岗位，我会用歌声去答谢佢哋嘅支持，都希望佢哋系锺意我嘅音乐，加上𠵱家咁忙都冇时间拍拖啦。」启豪希望跟fans用爱嚟回馈社会，支持本地有心嘅社企，为弱势社群创造和提供就业机会，所以过去的中秋节，启豪从10间伤残人士、自闭症、妇女、银龄族等社企中选出10款唔同产品，组合成「十式社企迎中秋」礼物篮去做善事，亦打算跟fans组义工队做慈善探访。
提到《中音3》经已杀到，「中一生」启豪承认时间嚟得太快，虽然唔觉压力逼近，但40岁的他坦言会加快脚步：「因为我比较迟入行，要喺最短时间内做最多嘢畀到观众，𠵱家会出多啲歌，搞下歌迷聚会去争取曝光率。」
最新回应