星8卦丨「大仔」爱姐姐「阿妈」经济封锁 老窦出手支持帮「大仔」继续爱

「典型」 一家真复杂，「阿妈」成日拎住两个仔嚟威胁「典型」，目的系要佢努力搵钱畀自己挥霍 。最近啲细路都开始拍拖，「大仔」因为参加训练班，锺意咗比自己大30年嘅老师，两个人偷偷摸摸，但点知都畀「阿妈」发现，梗系激到生虾咁跳，同老窦一样喜欢媾姐姐。

相关阅读：星8卦丨「乖巧」人前人后两个样 埋怨公司推job错失攞奖机会

作为「阿妈」又好难话唔嬲，大咁多又点会长远吖，于是初时由劝去到闹，日日家嘈屋闭，所以「大仔」都怕咗，应承「阿妈」两个人唔再来往，但背后就梗系越阻越爱啦，「大仔」仲同老师讲呢世只会爱佢一个人，到自己有能力一定娶佢。「阿妈」 最后就梗系发觉，继续玩埋死又点啫，「大仔」冇你咁好气，「阿妈」惟有出最后一招经济封锁，谂住断水断粮就会令老师知难而退，如果你要养埋自己个仔都无办法，相信无女人会咁蠢啫！

但峰回路转嘅系，老窦喺呢个时候出手，你唔畀阿仔钱咩？老窦有，毕竟你阿妈啲钱都系我畀，你断阿仔粮，我咪唔畀家用罗，而且私底下同「大仔」讲，唔紧要，你想爱就爱，老窦支持你，因为大家都系过来人！今次「阿妈」知道做乜都冇用，唯有学识放手，无眼睇！

其他文章：

星8卦丨「败家」痴迷「平凡」 「正室」靠老爷度桥捉奸保住头家

星8卦丨「姑姑」畀绿帽「浮跨」戴 急嫁「才子」最终顶唔顺分手

星8卦丨「甜甜」自力更生吊高嚟卖得罪「班霸」「东家」求开工待遇惨过做新人

星8卦丨「霸道」心计重逼走同门做一姐 嫁入富门无钱驶重出江湖𤓓爆

星8卦丨「纯品」错爱「怪人」被分手 用附属咭支持靠「怪人妈」

星8卦丨「娇嗲」「阿仔」真心相爱结良缘 奶奶变态行径破坏夫妻关系