陈志云评论郑中基与经理人风波！传何庆湘一做法令余思敏不满 声明被质疑有古怪？
2024-08-06 18:00 
郑中基（Ronald）日前突然于FB宣布因发现经理人何庆湘「工作及道德操守有问题」，决定与「机动娱乐」立即终止合作，其后郑中基更指自己因情绪健康问题将会暂时休息，随即惹来不少揣测，今日（6日）郑中基再发声明坦言患上抑郁症并「选择咗饮酒去逃避现实」，透露有酗酒问题。陈志云昨日（5日）在「志云频道stephenchannel」的「陈李联FUN」上讨论郑中基事件并坦言「曾经听闻一个版本」。
相关阅读：郑中基与女经理人风波惹揣测！称与余思敏组织家庭好幸福 认患抑郁症要停工
陈志云李婉华讨论郑中基事件：
李婉华与陈志云讨论郑中基事件
在节目上，李婉华坦言想与陈志云讨论这个问题，李婉华说：「我个人觉得呢件事唔系咁简单，唔系为咗钱事，逢系呢啲即刻要中止合作，就话对方有啲不道德嘅事发生咗，我谂佢哋相识都好耐，唔系话呢几年间咁短，可能系一段长时间嘅合作。」陈志云闻言后表示：「佢哋系识咗一段好长时间，嗰阵郑中基离开黄栢高（Paco）之后，佢就已经同何庆湘合作，搵咗佢过嚟帮手，后来觉得佢几好，就搵埋佢做经理人，讲紧系超过10年，甚至系更长嘅合作关系。」
李婉华还说：「郑中基话要离开呢个公司，咁间公司佢有份定冇份？佢冇份就话离开，咁如果佢有份就唔系离开啦？我睇番啲资料，喺2020年呢个机动电视台开台嘅时候，郑中基系拎咗过百万落去。」陈志云指有跟郑中基关系密切的人透露：「话今次佢只系写嘅时候文字表达唔准确，佢唔系终止同机动电视嘅合作，系终止同何庆湘合作，呢度仍然都系佢嘅，佢系会继续。」而昨日郑中基在声明上亦提到：「本公司旗下YouTube channel「机动电视台RTV」，将进行节目调动安排，在未来仍会如常运作。本公司旗下品牌「大佬好嘢」，存货已全部售罄，网店如有新货品将立即通知大家，未来运作亦一切如常。」
李婉华认为何庆湘身份「过咗界」
李婉华亦坦言：「自从4年前电视台一开，何庆湘嘅角色就好重要，如果佢系幕后嘅经理人，一直喺幕后做一啲嘢去支持呢位老板，但系我发现呢位何庆湘就唔系，佢一直努力参与幕前工作，甚至永远都会喺郑中基嘅侧边，如果喺经理人或者助手嘅角色，我觉得系出咗位好多，过咗界。」陈志云称自己没有内情，虽然身边人都有这个说法，但他只是估计：「因为佢哋嘅工作关系好密切，有时候喺呢啲环境，个老板好叻，对老板有啲仰慕一啲都唔出奇，但系我唔系话何庆湘一定系咁。」李婉华亦有解释自己为何这么「上心」，因她去年看到余思敏借语录放负，直到郑中基日前出Post前，余思敏高姿态地出po令人惹来不少遐想。
陈志云称与郑中基和余思敏并不熟
陈志云又称与郑中基和余思敏并不熟悉，但曾经听闻一个版本：「而家系有两边，一边系觉得何庆湘系有唔妥，另一边称要为何庆湘『平反』，事缘郑中基做幕前，佢搞呢个台，对营运唔系好大参与，佢拎咗钱出嚟亦都冇再注资，而家签咗啲艺人同全职员工，开支都系大，听闻坊间近佢哋嘅人话何庆湘系好勤力，好卖力，好辛苦周围『𢯎』数，但系就有啲八卦嘢！」
郑中基老婆余思敏晒恩爱相：
郑中基友人质疑声明有古怪？
陈志云续说：「何庆湘做经理人净系同Ronald接工作，佢太太嘅工作系唔接，呢度有啲拗撬出咗嚟，后来太太出咗啲Post，可能对佢两个啲关系唔高兴，后来攞晒啲数嚟睇，觉得啲数唔系好对，搞到而家咁样。但系何庆湘嘅朋友相信佢唔系穿柜桶底嘅人，郑中基最后出呢个Post，话要中止工作关系，觉得佢做嘢有问题，呢个po嘅语调，有熟悉郑中基嘅朋友就话唔系好似佢，佢唔会写到咁撇脱，咁绝，咁劲，可能系人哋帮佢代笔都唔定，但系呢个真系唔知，但系有啲暗涌喺入面，而家应该系佢太太掌管返个营运。」「花生友」上身的陈志云更说：「郑中基后嚟再出Po话有情绪困扰，话唔定就是因为夹在喺两个女人中间，一个系工作关系，一个系自己另一半，唔困扰都好难，哈哈，但我哋啲局外人真系唔知发生乜嘢事，都系剥花生，最紧要都系一家人和和气气，唔好影响小朋友嘅成长。」
李婉华吁网民勿认真：都系假设
不过，在直播期间有网民留言觉得现时未有证明事件牵涉感情瓜葛，为何两位主持觉得100%是因为这原因？李婉华就叫对方勿认真并说：「我哋都系假设啫，呢件事学志云大师话斋，你做乜自己讲出嚟啫？你讲咗出嚟我哋就可以讨论㗎嘛，呢样嘢唔系我哋特登去搲人啲嘢，系佢自己讲，咁我哋就可以讨论呢件事究竟发生咩事，因为系对我哋公众有利益㗎，因为我哋个个都好喜欢郑中基呀，就系唔想佢有事，我哋会估系咪钱呢？定因为感情呢？哎呀，如果佢家庭受到破坏，我哋系好伤心㗎！所以我哋要搵出个原因喇，从而可以喺呢件事去警剔我哋自己呀，警剔身边人，所以我哋系讨论。」
其他文章：
郑中基突宣布与经理人何庆湘终止合作！合作开YT频道4年大受欢迎：工作及道德操守有问题
郑中基预告将「离开」！透露有个人情绪及健康问题 与经理人何庆湘终止合作掀讨论
余思敏忽然贴金句讲男女感情问题 网民联想郑中基「浪子」旧情史
郑中基台北巡演泪崩 12岁女成最强应援 发声明澄清国内巡演假消息
郑中基演唱会丨古天乐惊喜现身全场疯狂欢呼 难得开金口郑中基预咗超时被罚
最新回应