冼靖峰惊讶同方皓玟食餐饭就传绯闻变咗LOONG 9代言人惨被迫回应丨独家

2024-08-06 07:00

冼靖峰（Archie）相隔1年半推出新歌《无意冒犯》，以18岁苦追邻校女生1年作主题，最终追女失败但因刻骨铭心，希望透过歌曲作纪念。讲到跟方皓玟闹绯闻，他再澄清非单独约会，只因合作而多了接触，抱歉影响到前辈，而单身的他为事业搏杀完全唔谂拍拖。采访：杜杜摄影：林宾尼发型:Hugo Poon@PRIVATE i salon 化妆:King Yip@KingsMakeUp 场地:The AIR (The ONE)

Archie因有工作关系分3次完成《无意冒犯》录音，他开心获监制赞越唱越好。

拍过几次拖的Archie，最深刻反而是18岁曾经「做兵」，「每日搭嗰班港铁都见到个女仔，佢眼大大长头发好有气质，我为见佢试过早到都等埋坐佢嗰班车。」后来两人在联校活动认识，他为追上品学兼优的「女神」出尽法宝，「佢锺意动漫我专登去睇，又搵私人教练学打羽毛球，好勤力读书，虽然我哋晚晚传讯息，但我始终唔敢开口表白，怕好似首歌咁，会冒犯咗佢，连朋友都冇得做。」上到大学两人成为校友，他有坦白跟女方重提此事，「佢竟然话当时等紧我同佢讲，可能冇开始到，我又真系好锺意佢，所以特别深刻。」

Archie（右）18岁时的学生look。

Archie认为再搵对象，大家相处到最重要。

Archie好欣赏《无意冒犯》MV拍出浪漫感觉。

Archie认为再搵对象，大家相处到最重要。

Archie好欣赏《无意冒犯》MV拍出浪漫感觉。

Archie认为再搵对象，大家相处到最重要。

Archie好欣赏《无意冒犯》MV拍出浪漫感觉。

Archie认为再搵对象，大家相处到最重要。

Archie好欣赏《无意冒犯》MV拍出浪漫感觉。

Archie认为再搵对象，大家相处到最重要。

Archie好欣赏《无意冒犯》MV拍出浪漫感觉。

事业搏杀期唔谂拍拖

谈到跟方皓玟一齐食饭而传绯闻，Archie再重申两人关系，「我都好惊讶！大家只系食餐饭啫，仲有其他工作人员喺度，有咩新闻冲住我嚟都OK，最唔好意思打搞到前辈。」他解释主持音乐节目《J Music》认识对方，还因倾紧合作多联络，「未知用咩形式呈现畀大家睇。」26岁的他完全唔心急拍拖，「𠵱家系事业搏杀期，我都算几黐身嘅男友，冇时间不如唔好开始，可能能力大啲，管理到自己时间先谂！」

Archie跟方皓玟因合作《J Music》而认识。

Archie庆幸跟方皓玟的绯闻，未有影响两人合作计划。

讲到所属男团LOONG 9终能顺利在港举行活动，Archie直言不用再做「代言人」松一口气，「嗰时大家都迫我回应，但其实有啲嘢我唔方便讲，等公司讲会好啲，但我变咗发言人咁，不过大家咁关心我哋都值得开心。」他又透露LOONG 9将有新搞作，「会再有合体嘅工作，可能要有啲训练，大家应该会睇得开心，详情等公司正式公布。」