庄韵澄离婚丨「前夫」哽咽求复合称会搵工 矛盾澄清公开CCTV唔想个仔觉得有渣男爸爸
2024-08-02 14:30 
庄韵澄（前名庄端儿）日前宣布与老公吕成忠（Joe）分居一年，正办理离婚手续，又指控「前夫」吕成忠擅自带儿子到台湾作威胁、情绪勒索、「食软饭」等，吕成忠之后在网台节目反击，更公开家中CCTV片段称庄韵澄有产后抑郁。庄韵澄昨日（1日）在IG发文逐点反驳「前夫」吕成忠，晚上吕成忠却突然转軚求庄韵澄原谅，更讲到一度哽咽。
相关阅读：庄韵澄宣布与吕成忠离婚！独力赚钱养家被情绪勒索 称遭老公要胁公开私隐
庄韵澄老公哽咽求原谅？
庄韵澄与「前夫」吕成忠因离婚爆发骂战，吕成忠两度现身邵子风与大佬B主持的网台节目《娱乐油麻地》，为自己辩解。对于庄韵澄以千字文反击，又接受多间传媒访问，否认有产后抑郁及自杀倾向，再轰「前夫」不事生产、叫X（嫖妓）、是老千、城府极深，只承认自己曾给BB饮符水。吕成忠二度现身网台节目再回应事件，他突然在节目中哽咽表示想复合，对庄韵澄要求复合前要有一份需要交税及强积金的工作，吕成忠说：「如果即刻复合，我就即刻做。如果佢嘅要求系咁简单，我会即刻做。你要我放弃而家嘅工作我咪放弃，做你要我做嘅嘢。」吕成忠表示可做回后期制作、剪片等老本行。
吕成忠连番发表爱的宣言
吕成忠在节目中多度哽咽发表爱的宣言：「其实我哋系可以好幸福！」、「小朋友同家庭系我一生。」被问到曾在节目中公开家中CCTV指控庄韵澄，他坦承自己做得不太好：「好多嘢我提过你曾经做过呢样嘢，你就会当成威胁，我只系想你冷静啲，点解沟通唔到。我对太太百分百真诚，对小朋友都系，我愿意为佢做任何嘢，我有谂过唔驳嘴，唔回应，咪由得人话我系渣男、贱男，但系我唔想个仔觉得有个咁嘅爹哋。所以我都系Prove我做紧啲乜嘢，为咗头家自己好努力。」吕成忠对公开CCTV一事，向庄韵澄致歉。
吕成忠解释「食软饭」
不过吕成忠解释自己非「大食懒」，声称每晚哄儿子入睡后才有时间工作，直到清晨才有时间睡觉，之后又要煮饭，因此想庄韵澄正视一些问题：「我想证明你老公唔系大食懒，唔系冇做嘢，我付出好多好多，唔知你睇到有几多。」他续称：「但系我唔觉得攰，我就系想为屋企做呢啲嘢。」至于偷拍庄韵澄抱住儿子危站露台却不阻止，吕成忠解释：「因为唔止一次发生，自己每次都系喺侧边等，有时会等足四个钟，我试过揽住佢，但佢会大叫『非礼』、『唔好掂我』，佢会伸BB出去，佢有情绪，我尽量想佢冷静。」
吕成忠指庄韵澄难以沟通
吕成忠又称与庄韵澄难以沟通，试图解释却要经过包装或婉转表达，反而令到庄韵澄觉得自己爱驳嘴：「你情绪到、愤怒，但系我想你好好检视自己，你可以睇FaceTime我点同BB相处，你系旁观者又做过啲咩？」吕成忠对自己将夫妻之间的对话截图一事，他承认为免庄韵澄忘记自己说过的话，才会截图给她看。
相关阅读：庄韵澄心痛近80岁妈妈委屈向前夫道歉喊到失控 惨被精神虐待3年无助求观音承认饮符水丨独家
庄韵澄曾恋渣男张致恒：
吕成忠逐点回应庄韵澄的指控，又哽咽称自己孤独地承受外界的责骂，他想证明自己不是一个太差、太废的人：「佢嬲我，睇唔到我嘅好，其实佢好孤独，我想大众帮我一样嘢，可能我唔识表达，我想传达我嘅爱畀佢，一齐唔好再闹佢，想畀佢知道你老公系点，未来会点，老公不停为你成长、配合你，为咗头家，我想你睇到依样嘢。」吕成忠对庄韵澄要求他搬离大埔寓所，以及交还Tesla汽车，吕成忠自称在二人拍拖前已有揸车，Tesla是他用来接载小朋友、庄韵澄及家人，作为家庭车使用，对不不愿支付车费、隧道费，吕成忠指庄韵澄曾表示为儿子愿承担交通费，一直以来没有投诉。
吕成忠否认要老婆签租约
对于另觅住处，吕成忠坚持睇大埔楼，又拣27,000元租金的单位要求由庄韵澄签约。吕成忠否认租金的数字，表示单位租金约为21,000元至23,000元，又称是经纪建议两夫妻一齐签：「我唔使太太钱，我自己签啦，业主都想租畀我。」最终未有签约是因为儿子生病，自己要带囝囝去睇医生，之后再找到较便宜的单位，他曾向庄韵澄分享与经纪的对话讯息，却在庄韵澄口中成为另一个版本。
称庄韵澄想唱衰自己
庄韵澄提到车Cam片曾被剪接，吕成忠否认毁尸灭迹及曾「叫X」：「你唱衰我做咩啫？我做咩要睇个车cam啫？」吕成忠称自己不会刻意检查，亦汲有对车Cam片做手脚，片段不全估计是零件松脱所致。邵子风即追问：「你有冇叫X呀？」吕成忠肯定语气称：「冇。」又指是庄韵澄乱讲：「佢想整花我，唱我罗。」
吕成忠以为问题解决
吕成忠对庄韵澄指分居期间去旅行，是为儿子著想，他却不同意是复合旅行：「我觉得大家冇分开过，嗌下交啫，我希望沟通完会冇事。」又表示自己带儿子到台湾，双方用讯息沟通后，反而变得平心静气，返港的几个月一直关系好好过得开心：「带走佢，唔报行踪佢都吹我唔胀㗎，我同佢就系想沟通呀嘛。」主持即指出庄韵澄两母女或只是想见BB才配合，吕成忠表示：「咁样好唔开心，我以为真系解决到屋企嘅嘢，因为之后几个月都好开心，无时无刻都倾偈。」他又表示为了让庄韵澄放心，儿子的护照已交由对方保管。
吕成忠怕儿子好记性
提到上星期争接儿子放学，最终惊动警方，双方说法有出入，闹出「罗生门」。吕成忠表示自己在场交还儿子，又反指庄韵澄省略与警司对话内容：「警司讲得好明确，话Xenia（庄韵澄）唔妥协，好明确交畀社署㗎喇。」吕成忠再度哽咽，称己叫社工带同他为儿子准备的饭盒到社署：「唉，算啦，你畀妈咪啦！我个仔好好记性，佢起身会记得曾经发生过乜嘢，呢个系佢阴影，我唔想。我仲同警司讲可唔可以每次畀我同个仔Goodbye kiss，但佢哋唔理。」
吕成忠盼重归于好
吕成忠在节目尾声再次向庄韵澄求原谅：「对唔住，你原谅我！有咩我都会改，求你，同我重归于好，开开心心，为咗滈滈。滈滈最想就系我同你一齐照顾佢，佢锺意爹哋妈咪，佢真系好锺意爹哋妈咪，原谅我。」吕成忠指自己与庄韵澄同样爱锡儿子：「正常家庭都会有磨擦、埋怨，你唔锺意见到我，我唔介意去车度瞓，但BB最开心见到我哋一齐。」
其他文章：
庄韵澄离婚丨吕成忠婚前被爆欠债破产 婚后一家入住复式连天台海景豪宅
庄韵澄离婚丨亲揭分居真相！吕成忠结婚当晚已抱怨：如果唔系娶咗你，就唔会全世界知我破产！
庄韵澄离婚丨曾恋性上瘾张致恒拒婚！多次被出轨萌轻生念头：唔想做「离婚KOL」
最新回应