庄韵澄心痛近80岁妈妈委屈向前夫道歉喊到失控 惨被精神虐待3年无助求观音承认饮符水丨独家

庄韵澄(前名庄端儿)上周发声明宣布跟老公吕成忠(Joe)已分居1年，正办理离婚手续，还写下万字文交代事件，包括无法忍受每日被前夫情绪勒索，甚至秘密带走儿子到台湾作威胁。Joe亦火速上网台受访还击，力斥被庄韵澄母女欺凌，又指前妻有产后抑郁，曾多次抱子危站51楼的屋企露台，甚至为自闭症的儿子用符水抹眼。昨日，极度憔悴的庄韵澄接受《星岛头条》访问，1小时内多次爆喊狂呻恐怖前夫对她精神虐待，提到70几岁的妈妈要委屈跟前夫道歉更喊到失控，要用纸巾遮晒全面。 采访:曾盻坚

庄韵澄讲出3年来承受前夫嘅冷暴力时喊到癫。

庄韵澄一提阿妈都要委屈向前夫道歉就掩面痛哭。

庄韵澄打开手机，顺序俾记者睇Joe嘅骚扰讯息。

庄韵澄嫁错郎感到无奈。

庄韵澄唯一觉得系唔唔住年迈妈妈及稚子。

3年来嘅婚姻生活令庄韵澄有口难言。

庄韵澄被激到喊完又笑。

庄韵澄变得极度憔悴。

庄韵澄有话直说乜都讲，坦认有用符水为儿子抹眼，甚至自己亦有饮，全因无助求心灵慰藉：「因为佢经常『跳掣』大吵大闹，甚至癫到偷睇我电脑，数返我未认识佢前，10多年前嘅男朋友，追问『你呃我？又话得2至3个前度？』我长期受冷暴力对待，佢不停搵嘢嚟闹，仲要喺囝囝面前系咁嘈，我试过顶唔顺要求喺高速公度落车。」庄韵澄指前夫婚前婚后完全两个人，确实有怀疑过对方鬼上身，「喺最无助时候，又唔可以同其他人倾诉，唯有喊住对观音讲『可唔可以唔好再嘈？』」庄韵澄称有宗教信仰，细个都饮过符水：「咁佢都有好多个佛牌啦。」

Joe公开家居cctv，影到庄韵澄母女用符水帮儿子滈滈抹面。

Joe又展示儿子装有符水的水壼。

cctv影到庄妈妈用符水抺庄韵澄面。

前夫精神虐待影响个仔
Joe影到庄韵澄抱住儿子危企51楼露台要胁他，亦怀疑太太有产后抑郁。庄韵澄唔太记得为何有此举动，估计因为闹交出去透吓气，但强调从来冇轻生念头：「死咗咪乜都系佢，唔好啩，我做嘢好精明。」她觉得对方另有居心：「如果佢觉得事态真系咁严重，点解唔即时上前阻止？甚至报警？反而顾住影相？佢大吵大闹时会好忟好粗暴，试过拉扯我手臂、掟嘢、饮醉酒时发酒癫，我只系被压迫到逃到嗰个位置，想佢停止疯狂行为，有提醒佢『赢场交会输个家。』庄韵澄承认被Joe精神虐待，搞到3岁囝囝滈滈都有心理阴影：「细个时佢好得意，𠵱家佢喺咁嘅氛围下生活，唔太肯讲嘢，有自闭症，仲好冇安全感，黐到我实唔肯走。」

Joe影到庄韵澄抱住儿子危站露台。

即使露台多咁杂物都要移开，庄韵澄出去透啖气一定迫逼不得已。

前夫公开庄韵澄跟儿子家中玩耍片段，冇晒私瘾。

被公开凑仔生活片。

庄韵澄强调如真系有产后抑郁就接拍唔到电影。

Joe上完邵子风网台指控庄韵澄后，又要求复合。

经常会「大跳掣」。

除电话讯息，Joe又不停出po精神威胁。

会有情绪勒索。

从庄韵澄跟Joe的对话讯息可见，前者不停叫对方唔好再骚扰佢。

不停要求接仔。

庄韵澄和吕成忠结婚3年多育有一子。

庄韵澄和吕成忠此情不再。

庄韵澄儿子小时候好可爱。

庄韵澄儿子证实患上自闭症，甚少说话。

至于两人就分居日期上有争议，Joe话去年7月后一家3口去过日本及台湾旅行，夫妻更同床。庄韵澄问过律师，去年7月1日分房瞓当日已开始分居计算，这方面家佣可以作证：「一齐去旅行只系为咗个仔，就算同床都隔住儿子。」

庄韵澄上周发声明宣布跟老公吕成忠(Joe)已分居1年。

Joe话去年7月后一家3口去过日本及台湾旅行，夫妻更同床。

公司户口几百万变两万

提到Joe讲到对家庭有付出，分居后甚至买咗部几万蚊座驾接载儿子，有经济能力养活家庭。庄韵澄忍不住揭开肚皮：「拍拖后我先知佢破产，明白破产令4年佢不宜工作，但破产令后仍然唔肯搵嘢做，连结婚、生仔、甚至婚戒...都系我，就算之前揸我买畀佢部电动车，都唔肯畀叉电及隧道钱，公司户口存款最高峰有几百万，到后期得返2万，谂住一家人唔计得咁多，自己亦有份使。」庄韵澄为顾全双方面子，只好给对方经理人名份：「但佢懒惯咗，日日瞓到两三点，个仔返下午班，都经常迟到半小时，讲真，我请个助手、司机都冇咁贵，仲唔使受气。」最近庄韵澄为朋友免费出一个月饼po，Joe发狂传息要求对方畀利是，令她莫名其妙。

庄韵澄、吕成忠结婚3年多。

当日结婚戴住嘅婚戒，原来都系庄韵澄私伙嘢。

入院生仔都系庄韵澄贴。

波子生活及学费全由庄韵澄承担。

吕成忠最近私下要求校长安排儿子转校舍。

吕成忠话自己买咗部车接送儿子。

Joe强调有为庄韵澄做BACK UP工作。

重提当日Joe不动色声带走儿子到台湾作威胁，庄韵澄和妈妈轮流传道歉讯息𠱁他返港，好彩囝囝最后平安返回她身边，庄韵澄委屈爆喊：「妈妈系70几岁老人家都要同佢道歉真系好惨，我咁大个女，其实呢件系家庭纠纷，我冇话自己冇错，但唯一最对唔唔住系妈妈及个仔，我只能话遇着老千真系好苦，由认识一刻已被设计及操控...」她强调勇于面对错误，可以重新来过：「冇嘢系做唔到嘅，我会坚强，大家闹我唔紧要，我冇嘢对唔住人，呢啲系我家事，我系圈中人都成日会俾人话，预咗派花生，但唔好屈我。」

庄韵澄出道以来，32E好身材成为焦点。

庄韵澄拥有最强body。

吕成忠接受邵子风访问时，喊住反称自己长期被妻言语暴力。

Joe在节目尾声发誓，发誓，如果今日讲过有任何不实嘅嘢，以后真系见唔到个仔。

庄韵澄连ig account也被操控。