星8卦丨「姐姐」难忘初恋借钱助度难关 难得老公明理作支持
2024-06-28 11:30 
「姐姐」 一直都好嫌弃自己个老公，虽然叫做富甲一方，但唔系好带得出嚟见人，所以做咗阔太都唔系太开心。其实「姐姐」最爱都始终系初恋「巴哥」，当日全靠「巴哥」可以令自己屋企度过经济难关，虽然人人都唔明点解青春貌美嘅妹妹仔会咁迷一位大叔。
相关阅读：星8卦丨「男主角」唔锺意出街 赖老婆妻管严扮无奈小男人
「巴哥」叫做文化界带住「姐姐」见识唔少嘢，嗰几年「姐姐」的确学到好多，亦明知「巴哥」个老婆犀利，从来唔敢谂多，只希望陪多一日得一日，谂住用青春留住「巴哥」个心。后嚟「巴哥」同「姐姐」讲不如分开，趁佢后生出面大把好男人，唔好再浪费时间系自己身上。「姐姐」好伤心，虽然「巴哥」句句系道理，亦为自己谂，但女人对第一个男人总会死心眼啲 。
「姐姐」有情义到后嚟「巴哥」好落魄嘅时候，用埋私己钱帮佢度难关 。最难得「姐姐」嗰位唔多见得人，但又有实力嘅老公都知道呢件事，而又好大方由得「姐姐」出手，当然佢系唔会拎钱，只系提示「姐姐」唔好太瞓身，因为佢知道老婆成日讲唔系遇到「巴哥」当年养起自己成头家，啲日子都唔知点过，今日就当报一饭之恩，老公亦系一个好人，两个人嘅恋情系遇到自己之前，所以大方咁有得佢去报恩，经过呢件事，「姐姐」同老公关系好咗好多，终于唔再介意对方样貌而欣赏其人品！
其他文章：
星8卦丨「才女」最爱人夫 遇「激进」大打出手吓到「大哥」「才子」避走
星8卦丨男人爱后生女帮忙传宗接代 导演一二号弃糟糠一齐做老豆
關鍵字
最新回应