星8卦丨「大少」虐待「娇娇」遇上「大爷」相逢恨晚爱得痴缠

2024-06-04 11:30

因为「大少」对自己一啲都唔好，讲到底「娇娇」当年都系一个天之骄女，只不过觉得嫁入豪门系任何女星嘅终生任务，「娇娇」唔敢话唔系贪慕虚荣，但入咗豪门至知真系好艰辛。

「大少」一直好花心，好彩奶奶够恶，讲到明唔准畀人知，免得有失屋企面子，但「大少」对「娇娇」呼呼喝喝就难免，有时仲要郁手郁脚。「娇娇」好歹都系一个又靓又温柔身材又好嘅女人，城中另一个「大爷」一直畀老豆闹冇用，又唔够细佬叻，所以心理上有啲唔平衡，连个老婆都系老豆拣畀佢，完全冇乜爱存在，最惨系对方都系生唔到仔，精神都出咗问题。

两颗都唔快乐嘅心相遇之后，虽然「娇娇」年纪比「大爷」大咗成10年，但两个人好啱睇，「娇娇」知道「大爷」好压抑，两个人好坦白咁交心，互相安慰，初时都无肉体关系，因为知道咁样会一发不可收拾。

直到两个人暗交咗成年至敢放纵，可惜系难舍难离期间，「大爷」终于可以再做老豆，仲系生咗个仔添，对「娇娇」嚟讲都系一个打击，不过大家知道系时候分开，回归自己嘅家庭，「大爷」呢几年定时定候都会入啲钱俾「娇娇」，所以身边人至知呢段不伦恋，以「大爷」咁孤寒，肯对一个无乜关联嘅女人咁大方，又点会唔令人怀疑有路，件事咪咁样被踢爆罗！

其他文章：

星8卦｜「高瘦」被阿妈逼嫁入豪门奶奶自出自入无私隐搞到情绪病

星8卦｜「霸姐」食尽小鲜肉想定落嚟招惹「扮嘢」痴恋唔敢落叠

星8卦｜「动物」同「生姐」拍拖尽使衰咸湿断正被飞抵死

----------------------------------

紧贴最新最快新闻资讯，请立即下载星岛头条App：https://bit.ly/3Q29Vow

關鍵字