星8卦丨「公子」搵名媛姐仔过桥呃父母被踢爆唔做戏直接出柜

2024-06-11 11:30

话说富豪界真系太多假凤虚凰，好似「公子」屋企得佢一个仔，阿爸阿妈好传统，梗系希望佢传宗接代。初时佢出嚟行嗰阵，目标系富二代，起码门当户对，阿妈鬼咁锺意「大小姐」，样貌好又读书多。嗰阵两个人行埋一齐都可以话系社交界奇话。

拍咗两年拖，「大小姐」突然单方面宣布分手，任何人喺佢面前讲起呢个男人都唔得。然后「公子」开始唔搞名媛，转而搵啲二、三线姐仔做目标。对于呢类明星仔，觉得「公子」样唔差，又有丰厚家底，梗系即刻落搭，仲千依百顺添。

如是者拍咗三个都系一年就散，连「公子」阿爸阿妈都问佢点解。而每次分手都系女方做主动，其中一个仲破口大骂，完全唔惊大家点睇佢，表面大家梗系唔踢爆，但所有畀「公子」追过嘅姐仔都私底下沟通，话「公子」任何时候都好君子，偶尔会拖下手仔，连锡下都无嘅，久而久之就明佢系乜嘢人。

最惨「公子」出手又唔大方，拍拖一年半载都无乜好处，好快就知「公子」唔锺意女人，唔舍得俾钱但又要利用自己帮佢摆门，就梗系唔睬你，直到「鬼妹」开晒声闹佢唔系好人，佢终于连戏都唔做，狂追自己倾慕嘅男明星，激到阿爸阿妈几乎心脏病发。

其他文章：

--------------------------------

由即日起至6月20日，只要参加「市民对特区政府满意度调查」问卷，即有机会赢取Panasonic护发风筒、Casetify充电器、大家乐$50餐饮券等丰富礼品。即点击https://bit.ly/4csd4qL

紧贴最新最快新闻资讯，请立即下载星岛头条App：https://bit.ly/3Q29Vow

關鍵字

星8卦丨「秃头」样丑但识氹女「长面」唔够「妹妹」争输得好失礼