张伟文暂离老人院开心又食又和唱 方俊丽莎开酒楼骚狂收「大牛」 丨独家

72岁「靓声王」张伟文9年前受腰患、糖尿病及脚痛困扰需以轮椅代步，长住老人院冇乜「细艺」，全靠徒弟方俊带他周围去。上周五端午节前夕，方俊和「新加坡歌后」丽莎在元朗一间酒楼登台，张伟文都系席上客，难得离开老人院出去松一松，张伟文笑晒口全晚食唔停，仲跟住台上方俊系咁唱，好有歌瘾喎。采访：方骞平

张伟文睇得好投入系咁跟住唱。

方俊、王美兰、方丽盈成日𠱁到张伟文笑骑骑。

环星娱乐老板张国林跟心情大靓的张伟文合照。

方俊落台和伟文打招呼。

伟文有好多FANS。

伟文成为「打卡热点」。

自从方俊进军歌坛后，张伟文的忠粉都会支持佢，加埋丽莎fans，当晚场面热闹，方俊及丽莎共唱咗30几首歌，包括《H2O》、《轮流转》、《相思泪》及《访英台》等，张伟文就系咁跟住唱，而fans挥动萤光捧，甚至兴奋行离个位跳舞及到台前送利是，有啲仲畀「大牛」($500)。

方俊和丽莎于酒楼登台。

方俊FANS挥晒萤光捧。

方俊载歌载舞唱《H2O》。

王美兰系表演嘉宾。

方俊、新加坡歌后丽莎落力演出。

同方丽盈好合拍。

丽莎久休复出宝刀未老。

FANS大派利是。

丽莎大丰收。

方俊唱到落台。

方俊都有唔少利是。

方俊丽莎收到好多利是，包括有「大牛」现金。

帮丽莎赚多啲「水脚」

不过，原来方俊只系「陪太子读书」，他将歌酬送晒畀丽莎：「近年病愈嘅丽莎要照顾孙女，虽然久休复出，但5年来都冇收入，之前留港3个月只系喺文化中心开咗一场演唱会，我想佢返新加坡前可以赚多啲水脚，所以先有呢次演出。」除此之外，当晚方俊还请埋一班老人家及照顾者参与：「近日接连发生照顾者轻生嘅悲剧，长年照顾病患者真系有好大压力，希望出少少棉力，可以帮到佢地纾压。」

丽莎在新加坡要照顾孙女。

年轻时丽莎。

多年来都在新加坡生活。

刚55岁牛一的方俊谈到生日愿望，他希望继续开到演唱会令更多人受惠：「之前喺《燃亮爱演唱会》中跟视障敲击乐团The Cheers夹Band演出，佢哋玩得好开心呀，生日前夕佢哋送咗蛋糕及亲手造嘅立体生日卡畀我，好有爱！如果张伟文健康许可都可以同佢合体开骚，等佢有多啲精神寄托。」

4月中方俊喺《燃亮爱演唱会》中跟视障敲击乐团The Cheers夹Band演出

香港盲人辅导会行政总裁方善衡代表送上立体生日卡畀方俊。

方俊约埋丽莎及伟文贺端阳。

方俊刚刚55岁牛一。

方俊已推出首支广东歌《鼓舞》。

生日愿望想继续有得开个唱造福人群。

方俊唱功唔错。

由即日起至6月20日，只要参加「市民对特区政府满意度调查」问卷，即有机会赢取Panasonic护发风筒、Casetify充电器、大家乐$50餐饮券等丰富礼品。即点击https://bit.ly/4csd4qL

紧贴最新最快新闻资讯，请立即下载星岛头条App：https://bit.ly/3Q29Vow