谭辉智与靓老婆温馨互动被指好假？ 为囡囡庆生做暖男爸爸
2024-04-24 19:30 
TVB歌唱真人骚《中年好声音2》决赛《中年好声音2登峯之战》于上24日举行，三甲人选古淖文、谭辉智及颜米羔人气急升，当中38岁亚军谭辉智被封新一代「师奶杀手」。决赛至今刚好一个月，本身家境富裕且有一位靓老婆的谭辉智，更率先跑出拍广告，他与老婆的温馨互动，却被批评好假？
相关阅读：朱智贤避与男友谢东闵合照想开班教Pilates 谭辉智惊拉姑变心与颜米羔争做师奶杀手
谭辉智与靓老婆互动好假？
谭辉智近日获邀拍健康产品广告，老婆也全程陪伴，非常体贴，谭辉智接受TVB娱乐新闻台访问时又再次发挥搞笑本色，他直言心情有点紧张，幸好背后有个女人，并指一指坐在一旁的太太。当时见到太太显得有点不自然，不停尝试扭补健品樽盖，当问到是否要求太太前来，谭辉智即答：「其实就我谂佢都想嚟睇吓嘅，咁两样都有啦，我自己都想佢喺度嘅，我都会紧张嘛」。
谭辉智甜言蜜语冧老婆
当主持潘盈慧再问是否太太在会比较安心，谭辉智又答：「其实都安心嘅，本身我都自己出去拍嘢啦……」潘盈慧即笑指应该𠱁太太，谭辉智即展现幽默一面：「哦，你锺意呢只呀？咁梗系想佢喺度啦，咁梗系安心啲啦！」他又搞笑指会问太太之后会否经常陪伴工作，当问到会否将酬劳奉上，谭辉智即说：「不嬲咩都畀晒佢呀啦，佢会话：『你试吓唔畀吖！』」对于外界经常觉得他很搞笑，谭辉智指原本表现生硬，但并非本身的性格，多得比赛的洗礼，与很多幕后工作人员熟络后，获鼓励做回自己，并经常要求他表现搞笑一面。谭辉智又透露现时工作忙碌，经常睡眠不足，幸好每星期会抽一天打篮球，他更指年轻时为运动健将，无论足球、篮球及田径都有参与。
谭辉智够真诚人气爆灯：
晚上，谭辉智又加入「轻松啲」频道做直播，好友刘威煌笑指看完谭辉智的广告探班片段忍不住大笑：「唔知点解系你啲新闻不其然会睇晒，期待你有咩会错同甩漏。我睇晒条片，你老婆系劲假，扮拧盖嗰吓。」谭辉智解释：「其实我叫佢出镜嘅，但佢死都唔肯出，揸住盒嘢又唔郁喎，佢直头『Hold机』咁，其实可以扮玩电话，因为个盖佢开唔到，要扮晒睇。其实佢知拍紧佢，佢系少少想入镜但又有少少怕丑。」刘威煌直言谭辉智两公婆好搞笑，「其实系正，你哋先有呢种感觉，因为我哋太耐已经知镜头前要做啲咩，（我哋）咁样反而唔太好。」
谭辉智见证女儿出生爆喊
除了是好老公外，2018年结婚并有两个小朋友的谭辉智也是好爸爸，「轻松啲」今日（24日）上载一张谭辉智拖着女儿的照片，并写有：「五年前嘅今日，FC做老窦啊，『当年今日我系手术室听到你第一声喊声，我都喊埋一份』。唔好意思！今日FC个囡囡生日，所有『松啲』叔叔都要行埋一边，今日唔好搵佢，佢只听一个人命令，大家一齐祝福下FC囡囡，除咗生日快乐！身体健康！快高长大！学业进步！有冇啲冇咁行嘅祝福语？大家帮手谂谂啦」，一班好友和网民纷纷送上祝福。
其他文章：
狄波拉闯《中年好声音2》 庆功宴！ 见偶像谭辉智变怀春少女献礼表心迹
古淖文 谭辉智 颜米羔一场比赛赢尽友谊 《中音2》三甲 力撑身边人参加下一季丨名人杂志
中年好声音２丨谭辉智与胡枫有密切关系？ 狄波拉竟是Fans为偶像甘做一件事
《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF
想睇更多精彩内容，请立即浏览「区区有申诉」活动专页，https://bit.ly/41hgS9E
紧贴最新最快新闻资讯，请立即下载星岛头条App：https://bit.ly/3Q29Vow
最新回应