刘威煌终于识做人：藐我都会讲多谢古淖文经常叫佢「常威」唔再嬲丨独家

2024-04-12 08:00

第一届《超级巨声》第5名的刘威煌，相隔15年再战TVB《中年好声音2》，虽然8强止步，但觉得比赛过程有得着更为重要。威煌分享由当年自我膨胀的巨星心态，变返只系锺意唱歌的小歌手心路历程，就算被古淖文叫他曾经好嬲猪嘅花名「常威」，他反而觉得有亲切感，心态大不同。采访：方骞平摄影：邓国良场地：Suger K

经过多年磨鍊，刘威煌终于识做人。

刘威煌气量比以前大。

15年时间教晓刘威煌做人嘅道理。

刘威煌唔再飘飘然。

刘威煌以前容易触动情绪。

《中音2》后有更多人认识刘威煌，受欢迎程度劲过当年，笑言有啲似《超级巨声》感觉，不过，他唔再飘飘然，心态已调节返做个普通人：「以前唔识表达，见到人哋热情打招呼会好惊好尴尬，仲会谂多咗，质疑对方来意；𠵱家个人好『地』(贴)，不论支持定藐我都会讲句『多谢』，至少有留意过我；另外帮过我嘅所有人都要道谢。」

刘威煌识咗好多新朋友。

《中音2》令威煌开心咗好多。

「中音2生」进行红白对赛。

刘威煌享受舞台。

2009年刘威煌成为第一届《超级巨声》第5名。

刘威煌受欢迎程度比当年更甚。

澄清冇被伍仲衡关照

刘威煌歌唱事业曾大起大跌，最后经不起舆论压力，7年前唱完怨念歌《灰狗》后打算全面放弃唱歌，直至疫情期间开Live再唱：「当年最介意系批评我个样似电影《九品芝麻官》嘅奸角『常威』(邹兆龙)，但𠵱家觉得邹兆龙都几高大靓仔呀！参赛时古淖文用『常威』个名嚟笑我，我反而觉得系老朋友称呼。今次都有负评指我同伍仲衡系buddy，所以先行到8强。我想讲伍sir畀我系标准以下嘅15/16分，事实摆在眼前，我冇要求攞过同情分，即使参赛期间一齐食饭都共识唔合照，甚至唔提任何比赛话题，就算系点老友，佢冇必要因为刘威煌而搞衰自己，而我就孭住造马罪名，咁会变成双输。」