古淖文被批靠肥妈攞奖大反击谭辉智颜米羔早有准备面对负评丨独家

2024-04-05 07:00

36岁古淖文（German）由2009年的亚视《亚洲星光大道》转战TVB《中年好声音2》，击败谭辉智及颜米羔夺冠，封王后惹来唔少造马猜测及大量刻薄抨击，矛头直指他跟评判肥妈系「(契)母子」关系，甚至有传是「私生子」。German忍唔住反击网民，强调契仔唔系佢；至于亚季军亦齐护航：「German实至名归，颁畀佢系服嘅。」采访：方骞平摄影：朱伟彦

谭辉智(左1)、古淖文、颜米羔(右1)自参赛后成为老友。

古淖文、谭辉智、颜米羔系亲密战友。

谭辉智、颜米羔齐撑古淖文。

谭辉智和颜米羔好搞笑。

古淖文凭99分，高分勇夺《中音2》冠军宝座，激动爆喊，评判肥妈亦起身拍手祝贺，他坦言庆功宴上肥妈开心跟他说：「《feeling good》唱得好好，有国际水准。」语毕，German马上补充多句：「其实唔止肥妈，张佳添、周国丰、陈慧娴都话我唱呢首歌无懈可击，多谢评判对我嘅肯定。」谭辉智及颜米羔附和German，米羔说：「佢唱完直情呆咗，听到起晒鸡皮，歌名、故事、个moment、状态fit晒，系Perfect Match，哗！真系冇得输，我哋只系挣扎。当时我同辉智喺后台互望，我话『阿古系你啦，出去直接颁奖啦…』当晚最后一位出场的谭辉智笑说：「我听完之后，觉得自己『唔系仲唱呀？』唉！当时我pea住心态想快啲完，感觉唱最后好阴功呀。」米羔对German投晒降：「颁畀佢我服！」辉智也觉得实至名归。

古淖文被批靠肥妈攞奖作出大反击。

古淖文对造马传闻一笑置之。

辉智坚持屋企有钱对入行冇帮助。

辉智庆幸自己系素人压力冇咁大。

决赛前夕颜米羔都有乱七八糟传闻。

米羔一度受买fans传言困扰。

古淖文为避嫌，强调跟肥妈只是师徒关系。

古淖文封王爆喊。

同肥妈只系师徒关系

对于外间有唔少负面声音，质疑肥妈和古淖文「母子关系」对比赛不公平，被视作肥妈契仔的German开腔交代「母子关系」：「唉！肥妈契仔系陆浩明(6号)唔系我呀？6号真系契仔，送咗金饭碗金筷子上咗契㗎，我同阿妈系师徒，自参加完《星光大道》后阿妈就带我去登台，好似畀咗个光环我咁，其实佢对个个都好照顾，如辉智及米羔唱得唔好都会直接闹，唔会因为熟而特别锡我。」

肥妈经常带古淖文出外去登台。

两人情如母子。

当年古淖文出碟有送畀肥妈及黑妹。

9年前，陆浩明和肥妈上契。

陆浩明系肥妈真契仔。

两「母子」主持《食平啲》系列多年。

锺意睇负评可练强大

问到参赛期间有冇问过肥妈意见？German即弹出超过10个冇字：「冇呀！佢系评判我系参赛者，唔得㗎，但面对面时会评我拣错歌…不过，我预咗俾人话，一笑置之，好彩心态正面，明白冇负评就冇成长，呢啲系长途赛，唔止唱歌、演戏要有进步，内心面对评论都好重要。其实负评作用好大，可以练返内心强大，大家都咁努力，但一句留言『哗！好难听』、『唔系肥妈一早foul咗』、『人妖』、『妖男』、『肥妈契仔』、『慧娴最爱』等就将焦点转移咗，冇人留意心血杰作。」问German：「咁肥妈系累咗你定系帮咗你？」他冇正面回应，只说：「因为有舆论价值，我预咗同肥妈扯上关系。」

5年前，German在《亚洲星光大道》中，演绎《Ma Ma I Love You》令评判肥妈泪崩。

肥妈大赞German唱《feeling good》有国际水准。

参赛后令German心脏强大。

German被网民嘲为「慧娴最爱」。

古淖文歌声获战友支持。

German为澳争光。

German有强大腹肌。

「妖男」留言令German难受。

米羔辉智有大量负评

受买fans传言困扰的米羔明白German感受：「因为我做导演及摄影，决赛前夕够有乱七八糟传闻，话我识晒啲明星有后台。」辉智庆幸自己系素人压力冇咁大，负评也比想像中少：「都系弹吓我外形及样，最多咪话我屋企有钱有后台先可以走到咁远罗，但玩得比赛要有心理准备有好坏评论，所以唔会打击到我，(屋企有钱对入行有冇帮助？)冇，呢个年代可以自资出歌。」至于无限创意的网民担心German抢走6号主持《食平啲》位置；又建议TVB安排他拍《爱回家》演南亚裔角色，German强调6号和肥妈好合拍：「每人定位唔同，唔会威胁到对方。我锺意食嘢，有机会合作梗系好。」至于拍剧，他自言记性演技都差，练返好再算。