独家丨卢镇业做老师曾收留冇屋住学生 卓亦谦导演自责唔够关心轻生同学

卓亦谦执导、卢镇业（小野）主演的《年少日记》，荣获金马奖5项提名，电影创作动机缘于曾经历同学轻生，再由小野饰演的「郑 Sir」揭开童年伤痛回忆为主轨。对于首部长片就获提名金马奖最佳剪接，剪了《年少》近两年的卓导意外之馀，亦坦言过程相当煎熬。采访：杜杜 发型:Jay Yeung@The Edge salon and academy化:Carmen Chung服装:Rickyywong、Re: By Maison Sans Titre from LANE CRAWFORD

小野因要参加友人婚礼未能出席金马奖，而卓导笑言去到亦冇谂过攞奖，能跟李安集邮已开心。

小野因要参加友人婚礼未能出席金马奖，而卓导笑言去到亦冇谂过攞奖，能跟李安集邮已开心。

小野因要参加友人婚礼未能出席金马奖，而卓导笑言去到亦冇谂过攞奖，能跟李安集邮已开心。

卓导和小野首度跟陈汉娜合作，过程相当愉快。

卓导对大学同学轻生一事耿耿于怀，成为创作电影的动力，「虽然只系识咗两年，但嗰时拍摄功课好密集，次次拍完都会一齐搭车倾偈，见完第二朝知道佢走咗，我就思考咗好多嘢，点解我一啲都冇发现呢件事？我识唔识得关心人？」卓导一直好自责，加上留意到社会有好多学生轻生的新闻，希望透过电影令更多人关注学童自杀问题，「呢个地方压力好大，咁啱同学要爆嘅时候搵唔到出口，就决定离开。」

小野跟陈汉娜首次合作电影，靠搭车时的深度对话投入角色。

卓导大赞两位小演员黄梓乐和何珀廉，表现好专业。

卓导一向好想睇郑中基演正剧，事前幻想唔到佢演暴躁严父。

相信师生也可当朋友

曾是老师的小野对电影有好多共鸣，「10年前喺中学教过短时间，近年就教大专院校，做老师除咗分享自己好嘅经验，亦要做个好好嘅聆听者，知道学生发生紧咩事。」教中学时，有学生在暑假打电话给他，令他相信师生是可做朋友，「佢话屋企俾人收楼，冇地方住，我同朋友租咗个工厦做studio，就陪佢执咗两袋红白蓝，有个地方安顿佢，佢𠵱家好叻仔，喺台湾读紧电影硕士，每次返亲香港，我就捉佢帮手，我之前导演冯允谦两个MV同短片，都搵咗佢做导演组。」

小野与「郑 Sir」在师生关系上最有共鸣。

小野趁学生Saito（左一）返港，即入导演组帮他拍锺雪主演的M+短片《好大部𨋢》。

对于得到金马奖最佳剧情片、最佳新导演、最佳原著剧本、最佳男配角及最佳剪接等5项提名，卓导坦认完全估唔到，特别是首次参与长片剪接便获得提名，「𠵱家个剪接系好勉强讲到个故事，因为裹面都系文戏，边啲位可以好清晰畀观众知道啲关系同时空，点样可以令到观众肯定睇得明，剪接做咗好多尝试，剪咗1年9个月咁耐，过程好煎熬，尔生（尔冬升监制）不停催我哋。」

小野和卓导早前出席东京电影节。

小野和卓导跟黄梓乐在港出席多场谢票，跟观众直接交流。

《星岛头条》新网站有更多精彩内容：http://www.stheadline.com/

防止自杀求助热线：
香港撒玛利亚防止自杀会： 2389 2222
生命热线： 2382 0000
明爱向晴轩： 18288
社会福利署： 2343 2255
撒玛利亚会热线(多种语言)： 2896 0000
东华三院芷若园： 18281
医管局精神健康专线： 2466 7350
利民会： 3512 2626
赛马会青少年情绪健康网上支援平台「Open 噏」：http://www.openup.hk